MPFUMA ZA MAFALA A MULUNGU | GENESI 9-11
‘Dziko Yonsene Yapantsi Ikhapitiriza Kukhala na Cilongero Cibodzi Basi’
Yahova asiyanisa cilongero ca anthu akukhonda bvera pa Bhabheli, mbaabalalisa pa dziko yonsene yapantsi. Lero Yahova asagumanya mwinji ukulu wa anthu a madzindza na pilongero pyonsene. Iye asaapasa ‘cilongero cakucena’ toera iwo akwanise ‘kucemera dzina ya Yahova, mbantumikira phewa na phewa.’ (Sof. 3:9;Apok. 7:9) Cilongero ceneci cakucena ndi undimomwene unalonga pya Yahova na cifuniro cace cinagumanika m’Bhibhlya.
Kupfundza cilongero cipswa kusaphemba pizinji kupiringana kuikha mafala mapswa m’manyerezero. Kusaphemba kupfundza njira ipswa yakunyerezera. Munjira ibodzi ene, munapfundza ife cilongero cakucena ca undimomwene, manyerezero athu asacinja. (Aroma 12:2) Pyenepi pisaphedza atumiki a Mulungu toera kukhala akuphatana.—1 Akor. 1:10.