KUKHALA MASO NINGA AKRISTU
Anyakumanga Banja Anawangisa Tani Mabanja Awo?
Abhrahamu na Sara ndi citsandzo cadidi kuna anyakumanga banja, thangwi iwo akhafunana na kulemedzana unango na ndzace. (Gen. 12:11-13; 1Ped. 3:6) Mwandimomwene banja yawo nee ikhali yaungwiro, pontho iwo akhathimbana na pinentso mu umaso wawo. Mphapo anyakumanga banja anapfundzanji na citsandzo ca Abhrahamu na Sara?
Kucedza mwadidi ndi cinthu cakufunika kakamwe. Khala ndzanu wa m’banja alonga mafala akudzidzida, tawirani mwakucepeseka. (Gen. 16:5, 6) Khalani na ndzidzi wakucedza pabodzi. Pangizani ufuni kuna ndzanu wa m’banja kubulukira m’mafala na m’macitiro anu. Kusiyapo pyenepi, wangisani uxamwali wanu na Yahova mukupfundza, kucita phembero na kutumikira Yahova pabodzi. (Koel. 4:12) Mabanja akuwanga asapasa mbiri Yahova, ule Adatomesa masasanyiro a banja.
ONANI VIDHYU YAKUTI ANYAKUMANGA BANJA ANAWANGISA TANI MABANJA AWO, BULUKA PENEPO TAWIRANI MIBVUNDZO IYI:
Mwakubverana na vidhyu, ninji pikhacitika m’banja ya Shaan na Kiara?
Thangwi yanji kucedza mwadidi ndi kwakufunika m’banja?
Citsandzo ca Abhrahamu na Sara caphedza tani Shaan na Kiara?
Ndi macinjo api adacita Shaan na Kiara toera kuwangisa banja yawo?
Thangwi yanji mamuna na nkazi nee asafunika kudikhira pinthu pyaungwiro kuna unango na ndzace?
Imwe munakwanisa kuwangisa banja yanu!