Imwe Munakwanisa Kumwaza Mphangwa na Kupfundzisa

Pidapaswa Mose basa na Yahova, pakutoma iye akhanyerezera kuti nee mbadakwanisa kuicita mwadidi. (Eks. 4:10, 13) Kodi imwe mwanyerezera kale munjira ineyi? Kodi imwe musapfundza Bhibhlya na Mboni za Yahova? Kodi musanyerezera kuti nee munakwanisa kumwaza mphangwa nyumba na nyumba? Panango ndimwe m’phale peno ntsikana wakuti musagopa kupereka umboni kuxikola. Panango musagopa kupereka umboni wapakweca peno kupereka umboni mukuphatisira ntokodzi. Natenepa, phembani Yahova toera akupaseni nzimu wace wakucena. (1 Ped. 4:11) Pontho khalani na cinyindiro cakuti iye anakuphedzani toera kucita basa inakupasani iye.—Eks. 4:11, 12.

ONANI VIDHYU YA NSOLO WAKUTI AMWAZI MPHANGWA, KHALANI ACIPAPO, BULUKA PENEPO TAWIRANI MIBVUNDZO IYI:

• Ndi cinentso cipi cidathimbana na Mulongo Aoyama?

• Ninji cidamphedza toera kukhala wamphambvu na wacipapo?—Yer. 20:7-9

• Ndi maphindu api adakhala na iye thangwi yakucita pizinji m’basa ya Yahova?

• Ndi pinentso pipi pinathimbana na imwe mu utumiki pyakuti Yahova anakuphedzani toera kupikunda?