Cinthu Cakufunika Kakamwe mu Tabhernakulo

Eks. 25:9, 21, 22

Bokosi ya cibverano ikhali cinthu cakufunika kakamwe mu tabhernakulo na kuna Izraeli. Khole yakuti ikhaoneka pakati pa akerubhi awiri akuti akhali pa mphampha ya bokosi ya cibverano ikhaimirira Yahova. Pa Ntsiku Yakucenesa Madawo, nyantsembe wankulu akhapita M’mbuto Yakucena Kakamwe ya tabhernakulo na ciropa ca n’gombe na ca mbuzi. Buluka penepo akhakhwaza ciropa ceneci kutsogolo kwa mphampha, toera kucenesa madawo a Izraeli. (Lev. 16:14, 15) Pinthu pyenepi pisaimirira Yezu wakuti ndi Nyantsembe Wankulu Kakamwe. Mu ndzidzi udabwerera iye kudzulu, iye apangiza kufunika kwa ntsembe yace yaciomboli pamaso pa Yahova.—Aheb. 9:24-26.

Malemba anatowerera asapangiza nkhombo ziri na ife lero thangwi ya ciomboli. Natenepa sankhulani lemba ibodzi na ibodzi toera kuibveranisa na nkhombo zenezi:

MALEMBA

• 1 Juwau 1:8, 9

• Aheb. 9:13, 14

• Aroma 6:23

NKHOMBO

• cidikhiro ca umaso wakukhonda mala

• kulekererwa madawo

• cikumbuntima cakucena

Tisafunika kucitanji toera kutambira nkhombo zenezi?