Mboni za Yahova Zisamwaza Mphangwa Kuna Anthu Onsene

Ninga pikhacita iye kuna Aizraeli, Yahova lero asaphedza atumiki ace toera kucita pinthu ninga munafunira iye. Na thangwi ineyi, pa dziko yonsene yapantsi pali na mabheteli, pisa, mipingo na misoka ya basa ya m’munda toera kuphedzera basa yakumwaza mphangwa zadidi. Ife tisamwazira mphangwa anthu onsene, kuphatanizambo ale analonga cilongero cinango.—Apok. 14:6, 7.

Kodi imwe mwanyerezerambo kupfundza cilongero cinango toera kupfundzisa undimomwene anthu analonga cilongero ceneci? Ngakhale kuti imwe nee muli na ndzidzi toera kupfundza cilongero cinango, munakwanisa kuphatisira JW Language toera kupfundza mafala mangasi. Natenepa, mungaphatisira cilongero ceneci mu utumiki, munakhala akutsandzaya ninga kudakhala na Akristu a mu ndzidzi wa apostolo akuti akhaphedza anthu a madziko anango toera kubva “pinthu pyakudzumatirisa pya Mulungu” mu cilongero cawo.—Mabasa 2:7-11.

ONANI VIDHYU YA NSOLO WAKUTI KHALANI XAMWALI WA YAHOVA—MWAZANI MPHANGWA MU CILONGERO CINANGO, BULUKA PENEPO TAWIRANI MIBVUNDZO IYI:

• 

  Ndi ndzidzi upi wakuti musafunika kuphatisira JW Language?

• 

  Ndi pinthu pipi pyakuti munakwanisa kupigumana mu JW Language?

• 

  Ndi pilongero pipi pinalongwa mucisa canu?

• Musafunika kucitanji mungagumana munthu wakuti asafuna kupfundza Bhibhlya, mbwenye asalonga cilongero cinango?—Organizados tsa. 100-101 ndima 39-41