Khalani Akukhunganyika mu Ndzidzi Uno Wakuti Tiri Kunkhomo Kwa “Ntsiku Zakumalisa”

Nakuti tikukhala kunkhomo kwa “ntsiku zakumalisa,” ife tisadikhira kuti uipi unapitiriza kuthimizirika. (2 Tim. 3:1; Mat. 24:8) Pangacitika cidengwa, kazinji kene atumiki a Yahova asapaswa pitsogolero pa ndzidzi wakuthema toera kutsidzikiza umaso. Kubvera pitsogolero pya Yahova lero kunatiphedza toera kupulumuka ntsogolo.—Luka 16:10.

• Khunganyikani mwauzimu. Khalani na ndzidzi wakucita pfundziro ya munthu paekha na kuleri Bhibhlya ntsiku zonsene. Pfundzani njira zakusiyana-siyana zakumwaza mphangwa. Khalani akukhurudzika mungasiyana na anango mu mpingo mu ndzidzi wakucepa. (Iza. 30:15) Khalani na cinyindiro cakuti ndzidzi onsene Yahova na Yezu ali na imwe.—Organizados tsa. 176-177 ndima 15-17

• Khunganyikani munjira zinango. Banja ibodzi na ibodzi isafunika kukhala na pasta yakupakwa pinthu pyakufunika. Kusiyapo pyenepi, banja ibodzi na ibodzi isafunika kukoya cakudya, madzi, mitombwe na pinthu pinango pyakuti nee pinabvunda mwakucimbiza.—Mis. 22:3; Despertai! 05/17 tsa. 4, 6

ONANI VIDHYU YA NSOLO WAKUTI MULI WAKUKHUNGANYIKA TOERA KUTSIDZIKIZIKA CIDENGWA CACIBALIRO CINGACITIKA?, BULUKA PENEPO TAWIRANI MIBVUNDZO IYI:

• 

  Kukhala na uxamwali wakuwanga na Yahova, kunatiphedza tani tingagwerwa na cidengwa cacibaliro?

• 

  Thangwi yanji tisafunika . . . 

  • kupita ncibverano na akulu a mpingo?

  • kukhunganyika pinthu pyakufunika toera kupiphatisira mu ndzidzi wa cidengwa?

  • kudziwa pidengwa pyacibaliro pinafuna kucitika na pinthu pisafunika ife kucita?

• 

  Tinaphedza tani anthu anagwerwa na cidengwa cacibaliro?

BVUNDZIKANI: ‘Kodi utenda wa COVID-19 usandipfundzisanji thangwi ya kufunika kwa kukhala akukhunganyika?’