PFUNDZISANI MWALUSO MU UTUMIKI | THIMIZIRANI MALUSO ANU MU UTUMIKI
Phatisirani Maferamentu Athu Akufufudza
Yahova asatipasa maferamentu ninga mavidhyu, matratadho, marevista, mabhruxura, mabukhu na Bhibhlya toera tikwanise kupfundzisa mwaluso. (2 Tim. 3:16) Kusiyapo pyenepi, iye asatipasambo maferamentu anango akuti asatiphedza toera kufokotoza Malemba. Maferamentu anewa asaphataniza Watchtower Library, JW Library®, BHIBHLIOTEKA MU INTERNETI ya Torre de Vigia™, na Bukhu Inaphatisira Mboni za Yahova Pakufufudza.
Imwe munatsandzaya kakamwe mungaphatisira maferamentu anewa onsene toera kufufudza mphangwa za m’Bhibhlya. Imwe musafunikambo kuphedza anyakupfundza anu toera akwanise kuphatisira maferamentu anewa. Pyenepi pinaaphedza toera kugumana matawiro a mibvundzo isakhala na iwo angaleri Bhibhlya.
ONANI VIDHYU YA NSOLO WAKUTI TSANDZAYANI M’BASA YAKUMWAZA MPHANGWA—TAWIRANI CIPHEDZO CA YAHOVA MUKUPHATISIRA MAFERAMENTU AKUFUFUDZA, BULUKA PENEPO TAWIRANI MIBVUNDZO IYI:
Ndi mafala api adalonga Zaida thangwi ya pinthu pidacita Mulungu?
Kodi Rita agumana kupi mphangwa zinalonga thangwi ya pinthu pidacita Mulungu?
Tingagumana mpfuma zauzimu mbatipanga anango thangwi ya mpfuma zenezi tisakhala akutsandzaya
Kodi iye asankhula tani mphangwa toera kuphedza Zaida?
Kodi maferamentu athu akufufudza aphedza tani Rita?