Mayesero Onsene Asamala

Mayesero anakwanisa kutifewesa, makamaka khala asapitiriza mu ndzidzi uzinji. Dhavidhi akhadziwa kuti mayesero akhathimbana na iye thangwi ya Mambo Sauli mbadamala. Pontho akhadziwambo kuti iye mbadakhala mambo ninga mukhadapikira Yahova. (1 Sam. 16:13) Cikhulupiro ca Dhavidhi camphedza toera kukhala wakupirira mbadikhira Yahova toera amalise nyatwa zace.

Tingathimbana na mayesero panango tinakwanisa kuphatisira maluso athu, udziwisi wathu peno ndzeru zathu toera kuamalisa. (1 Sam. 21:12-14; Mis. 1:4) Mbwenye pinentso pinango pinapitiriza ngakhale tingamala kucita pyonsene pinakwanisa ife mwakubverana na pinalonga Bhibhlya. Pyenepi pingacitika, tisafunika kukhala akupirira mbatinyindira Yahova. Mwakukhonda dembuka Yahova anadzamalisa nyatwa zathu zonsene, pontho “anadzapukuta misozi yonsene” m’maso mwathu. (Apok. 21:4) Mwakukhonda tsalakana khala nyatwa zathu zamala thangwi Yahova atiphedza peno na thangwi inango, undimomwene ndi wakuti: Mayesero onsene asamala. Kudziwa pyenepi kusatibalangaza.

ONANI VIDHYU YA NSOLO WAKUTI UM POVO UNIDO NUM MUNDO DIVIDIDO, BULUKA PENEPO TAWIRANI MIBVUNDZO IYI:

• Ndi pinentso pipi pidathimbana na Akristu anango a ku Estados Unidos?

• Iwo apangiza tani kupirira na ufuni?

• Iwo asapitiriza tani kuikha pinthu “pyakufunika kakamwe” pa mbuto yakutoma?—Afil. 1:10