“Pitirizani Kupasa”

Yezu alonga kuti munthu wakupasa asacitisambo anango kukhala akupasa. (Luka 6:38) Mungakhala na nsambo wakupasa, munacitisambo abale na alongo anu kukhala akukoma ntima na akupasa mwakudzala manja.

Yahova asafuna kuti atumiki ace apase mwakutsandzaya. Iye asaona ale anapasa mwakudzala manja na ale anaphedza Akristu andzawo angagwerwa na nyatwa, pontho iye anadzaapasa nkhombo.—Mis. 19:17.

ONANI VIDHYU YA NSOLO WAKUTI TISAPEREKA TAKHUTA THANGWI YA KUPASA KWANU MWAKUDZALA MANJA, BULUKA PENEPO TAWIRANI MIBVUNDZO IYI:

• Kodi pyakupereka pyanu pisaphatisirwa tani toera kuphedza abale na alongo anu?

• Thangwi yanji tisafunika kupitiriza kupasa mwakukhonda tsalakana khala tiri na pizinji peno nkhabe?—Onani mu jw.org nsolo wakuti “Os que têm mais suprem as necessidades dos que têm menos.”