KUKHALA M’MASO NINGA AKRISTU
Khulupirani Mafala a Mulungu na Ntima Wanu Onsene
Mafala a Mulungu anakwanisa kucinja umaso wathu. (Aheb. 4:12) Mbwenye toera tiphedzeke na pitsogolero na uphungu unagumanika m’Bhibhlya, ife tisafunika kukhala na cinyindiro cakuti Bhibhlya ndi “mafala a Mulungu.” (1 Ates. 2:13) Mphapo tinakhulupira tani Bhibhlya na ntima wathu onsene?
Lerini Bhibhlya ntsiku zonsene. Mu ndzidzi unaileri imwe, onesesani pinthu pinapangiza kuti Yahova ndi Mwanaciro Bhibhlya. Mwacitsandzo, onani uphungu unagumanika m’bukhu ya Misangani, pontho onani kuti tinauphatisira tani mu ntsiku zino.—Mis. 13:20; 14:30.
Pfundzani mwadidi Bhibhlya. Dziwani mwadidi pinthu pinapangiza kuti Bhibhlya yacitwa mukutsogolerwa na Mulungu. Mu Bukhu Inaphatisira Mboni za Yahova Pakufufudza, onani nsolo wakuti “Bhibhlya,” buluka penepo, onani nsolo ung’ono wakuti “Yakupumirwa na Mulungu.” Imwe munakwanisambo kuwangisa cinyindiro canu cakuti mphangwa za m’Bhibhlya nee zacinja mungaona Apendise A3 mu Bhibhlya ya Tradução do Novo Mundo.
ONANI VIDHYU YA NSOLO WAKUTI THANGWI YANJI TISAKHULUPIRA . . . MAFALA A MULUNGU, BULUKA PENEPO, TAWIRANI MIBVUNDZO IYI:
Pinthu pidalembwa pa paredhi mu templo ya Karnaki, ku Ejitu pisapangiza tani kuti Mafala a Mulungu ndi akunyindirika?
Tisadziwa tani kuti mphangwa za m’Bhibhlya nee zacinja?
Kupitiriza kwa Bhibhlya mpaka lero kusapangiza tani kuti iyo ndi Mafala a Mulungu?—Lerini Izaiya 40:8