KUKHALA M’MASO NINGA AKRISTU
Yahova Asatiphedza Toera Kupirira Nyatwa
Mu ntsiku zino zakumalisa, ife tisatamba nyatwa zizinji. Midzidzi inango panango tinatoma kunyerezera kuti nyatwa zinatamba ife ndi zakunentsa kakamwe toera kuzipirira. Mbwenye tingapitiriza kukhala na uxamwali wakuwanga na Yahova, iye anatiphedza toera kupirira nyatwa, maseze zikhale zakunentsa kakamwe. (Iza. 43:2, 4) Mphapo tinawangisa tani uxamwali wathu na Yahova tingathimbana na nyatwa?
Phembero. Tingapanga Yahova pinthu piri muntima mwathu, iye anatipasa ntendere wa m’manyerezero na mphambvu toera kupirira.—Afil. 4:6, 7; 1 Ates. 5:17.
Misonkhano. Cincino ife tisafuna kakamwe cakudya cauzimu cinatipasa Yahova na kusonkhana pabodzi na abale na alongo athu. (Aheb. 10:24, 25) Tingakhunganyika, kugumanika pa misonkhano na kutawira, nzimu wa Yahova unatiphedza kakamwe.—Apok. 2:29.
Kumwaza mphangwa. Tingacita pyonsene pinakwanisa ife m’basa yakumwaza mphangwa, pinakhala pyakukhonda nentsa kuna ife toera kunyerezera pinthu pyadidi. Kusiyapo pyenepi, ife tinawangisa uxamwali wathu na Yahova, kuphatanizambo abale na alongo athu.—1 Akor. 3:5-10.
ONANI VIDHYU YA NSOLO WAKUTI JEOVÁ CUIDOU DE MIM, BULUKA PENEPO, TAWIRANI MIBVUNDZO IYI:
Ninji pidaphedza Malu toera akhale na uxamwali wakuwanga na Yahova mu ndzidzi wa nyatwa zace?
Ninga Malu, mafala anagumanika pa Masalmo 34:18 anatibalangaza tani tingathimbana na nyatwa?
Pidacitikira Malu pisapangiza tani kuti Yahova asatipasa “mphambvu yakupiringana yacibaliro” tingathimbana na nyatwa?—2 Akor. 4:7