SUMANA 6-12 YA JANEIRO

MPFUMA ZA MAFALA A MULUNGU

1. Anyakubala—Pitirizani Kutsalakana Ananu Akufunika

(mph. 10)

Anyakubala anakwanisa kukhala na cinyindiro cakuti Yahova anaaphedza toera kutsalakana banja yawo (Mas. 127:1, 2)

Ana ndi muoni wakubuluka kuna Yahova (Mas. 127:3; Ncenjezi 08.21 tsa. 5 ndima 9)

Pfundzisani mwana m’bodzi na m’bodzi mwakubverana na thunga yace (Mas. 127:4; Ncenjezi 12.19 tsa. 27 ndima 20)

Baba ali kupfundzisa anace awiri mukuphatisira bhruxura yakuti “Pinapfundza Ine M’Bhibhlya.” Ana anewa ali kunyerezera mu ndzidzi unafuna kusendzeka iwo na ndzou na bongwe m’Paraizu. — Yahova asatsandzaya kakamwe anyakubala angan’nyindira na kuwangisira toera kutsalakana anawo

2. Mpfuma Zauzimu

(mph. 10)

Mas. 128:3—Anyakubala anapfundzanji na mavesi anewa? (Ncenjezi 07.21 tsa. 22 ndima 6)

Ntawiro wanu
Ndi mpfuma zipi zauzimu zidagumana imwe pakuleri Bhibhlya sumana ino?

Ntawiro wanu

3. Kuleri Bhibhlya

(mph. 4) Mas. 132:1-18 (Kuleri na Kupfundzisa pfundziro 2)

PFUNDZISANI MWALUSO MU UTUMIKI

4. Kutomesa Makani

(mph. 3) UMBONI WANTSUSUKANO. (Funani Anthu nsolo 1 khundu 3)

5. Kutomesa Makani

(mph. 4) UMBONI WANTSUSUKANO. Munthu anacedza na imwe akulonga pinthu pyakuti nee pisabverana na pinapfundzisa Bhibhlya. (Funani Anthu nsolo 5 khundu 4)

6. Kucita Anyakupfundza

(mph. 5) Tsandzayani na Umaso Kwenda na Kwenda! nsolo 16 khundu 4-5. Nakuti munabulukapo, pangani nyakupfundza wanu masasanyiro adacita imwe toera apitirize kupfundza. (Funani Anthu nsolo 10 khundu 4)

KUKHALA M’MASO NINGA AKRISTU

7. Anyakubala—Pfundzisani Ananu Kubulukira mu Citsandzo Canu

(mph. 15) Nkhani yakucedza.

Gulu ya Yahova isabulusa misolo mizinji, mavidhyu na mabukhu toera kuphedza anyakubala kupfundzisa anawo thangwi ya Yahova. Ngakhale tenepo, ibodzi mwa njira zadidi kakamwe zakupfundzisa anawo ndi kubulukira mu citsandzo cawo.—Dheu. 6:5-9.

Yezu aphatisira njira ineyi toera kupfundzisa anyakupfundzace.

Lerini Juwau 13:13-15. Buluka penepo citani mbvundzo uyu:

Thangwi yanji musaona kuti njira ikhapfundzisa Yezu anyakupfundzace kubulukira mu citsandzo cace ikhali yadidi?

Ntawiro wanu

Pinthu pinacita imwe ninga nyakubala pinakwanisa kupangiza ananu kuti pinaapfundzisa imwe pinaaphedza. Mungapangiza citsandzo cadidi kuna ananu, iwo anakubverani, pontho anaphatisira pinaapfundzisa imwe.

Mafoto: Mafoto adabuluswa mu vidhyu yakuti “Tapfundzisa Anathu Kubulukira mu Citsandzo Cathu.” 1. Garcia na banjace ali nkaru toera kuenda ku misonkhano ya mpingo. 2. Banja iri kudya pabodzi panyumba pawo pidabuluka iyo ku misonkhano. Iwo ali kucedza mwakutsandzaya. 3. M’bale Garcia alimira pang’ono kupfundza toera kucedza na m’bodzi wa anace atsikana. 4. M’bale Garcia na nkazace ali kucedza na m’bodzi wa anawo atsikana mukuphatisira Bhibhlya.

Pangizani VIDHYU Tapfundzisa Anathu Kubulukira mu Citsandzo Cathu. Buluka penepo citani mibvundzo iyi:

M’bale Garcia na nkazace apfundzisanji anawo?

Ntawiro wanu
Vidhyu ineyi isakukulumizani tani toera kupangiza citsandzo cadidi kuna ananu?

Ntawiro wanu

8. Pfundziro ya Bhibhlya ya Mpingo

(mph. 30) Umambo Wa Mulungu Ukutonga! nsolo 17 ndima 10-18