Cigumula Mpaka Pa Kusudzulwa m’Ijitu

Anthu asere basi apulumuka pa Cigumula, mbwenye na kupita kwa nzidzi iwo abvirira m’cilengesero mpaka pikwi pizinji. Buluka penepo, pakupita piaka 352 pakumala Cigumula, Abrahamu abalwa. Tisapfunza kuti Mulungu akwanirisa tani pikiro yace m’kupasa Abrahamu mwana wamamuna anacemerwa Isaki. Patsogolo pace, pa ana awiri a Isaki, Yakobo asankhulwa na Mulungu.

Yakobo akhali na banja ikulu ya ana 12 amuna na ana angasi akazi. Ana 10 amuna a Yakobo aida ng’ono wawo, Zuze, na angulisa ku ubitcu m’Ijitu. M’kupita kwa nzidzi, Zuze adzakhala ntongi wakufunika m’Ijitu. Mudabwera njala ikulu kakamwe, Zuze ayesera abale ace towera kuona khala akhadacinja ntima wawo. Pakumalisira, banja yonsene ya Yakobo, Aisrayeli, yafulukira ku Ijitu. Pyenepi pyacitika piaka 290 Abrahamu mbadamala kubalwa.

M’piaka 215 pyapatsogolo Aisrayeli akhala m’Ijitu. Mudamala kufa Zuze, iwo adzakhala mabitcu mwenemo. M’kupita kwa nzidzi, Mozese abalwa, na Mulungu amphatisira towera kusudzula Aisrayeli m’Ijitu. M’pyonsene, piaka 857 pya pyakucitika pisalongwa m’Khundu YACIWIRI.