Yahova Atipasa Mpulumusi

29 Munthu wakutoma wauzimu adacita Mulungu akhali ninga mwanace wakutoma.

Mulungu asamfuna pikulu pene na tenepa anadzamphatisira basa towera kufudza anthu akuipa na kupulumusa anthu akubvera.—Juwau 3:16, 36.

30 Yahova atumiza Mwanace towera kubalwa pa dziko yapantsi. Iye acemerwa Yezu. Mace akhacemerwa Mariya.—Luka 1:30-35.

31 Pakukhala kwace Yezu nkulu, apfunzisa pinthu pyadidi pyakuinjipa. Iye apfunzisa kuti Yahova basi ndi Mulungu wandimomwene.—Marki 12:29, 30.

Yezu alonga kuti tisafunika kulambira Yahova basi.—Mateyu 4:10; Juwau 4:23, 24.

Apfunzisa pontho anthu pya umambo wa Yahova.—Luka 17:20, 21.

32 Yezu awangisa atenda na kucita pinthu pyadidi pyakuinjipa. Iye hadacita pinthu pyakuipa tayu.—Machitiro 10:38; 1 Pedru 2:21, 22.

Mphapo kodi mbadatipulumusa tani ku madawo na kufa?

33 Iye akhafunika kupereka ntsembe kwa Mulungu towera kupulumusa anthu adidi. Kalene, Mulungu apanga anthu kuti apereke ntsembe ya pinyama kwa madawo awo.—Ayeberi 7:25, 27.

34 Yezu hadapereka ntsembe ya pinyama tayu. Apipereka ekhene ninga ntsembe kwa ife.—Mateyu 20:28; Ayeberi 10:12.

Kodi musadziwa thangwi ace?