Mambo Wa Kudzulu Anabweresa Nkhombo Pa Dziko Yapantsi

41 Yahova acita Yezu kukhala Mambo wa kudzulu.—Yesaya 9:6; Danyeli 7:13, 14; Machitiro 2:32-36.

42 Iye anadzatonga pa dziko yonsene yapantsi.—Danyeli 7:14; Mateyu 28:18.

43 Kodi musakumbuka kuti ninji cinafuna dzacitika kwa anthu akuipa?—Masalimo 37:9, 10; Luka 13:5.

44 Kodi musakumbuka dzina ya anju wakutoma adadawa? Yezu anadzambulusa pabodzi na maanju anango akuipa. Mafanikizo na adzimunthu awo anadzafudzwa.—Ayeberi 2:14; Chidziwiso 20:2, 10.

45 Yezu anadzacita pinthu pyadidi pyakuinjipa kwa anthu akubvera.—Ayeberi 5:9.

46 Nee mbodzi anadzabva pina kupha.—Yesaya 33:24; Chidziwiso 22:1, 2.

Kodi musakumbuka kuti Yezu awangisa anthu akubva kupha?

47 Anthu onsene anadzakhala na pinthu pyadidi.—Yesaya 65:17, 21-23.

48 Mulungu asakumbuka mpaka na adamala kwene kufa. Anadzaphatisira basa Yezu towera kuwakhalisa pina maso. Pyenepi pisacemerwa kulamuka muli akufa.—Juwau 5:28, 29; 11:25.

49 Angamala phiwa anthu onsene akuipa, nee mbodzi anadzafa pina. Nee na pinyama pene pyantsanga pinadzakhala pyakugopswa. Anthu onsene anadzakhala akutsanzaya kwenda na kwenda.—Chidziwiso 21:4; Yesaya 65:25; Masalimo 37:11, 29.