KHUNDU 7

Kodi Yezu Akhali Ani?

Yahova atuma Yezu pa dziko yapantsi. 1 Jwau 4:9

Yezu ali ku nkono wamadyo wa Mulungu kudzulu

Khala ife tisafuna kukomeresa Yahova, tisafunika kubvesera munthu unango wakufunika kakamwe. Yahova mbadzati kucita Adhamu, iye acita kudzulu anju wamphambvu kakamwe.

Mu ndzidzi ukakhala Mariya na pathupi na pakumala kubalwa kwa Yezu

Mukupita kwa ndzidzi, Yahova atuma anju unoyu toera kubalwa mu nzinda wa Betelehemu kubulukira m’mimba mwa mwali akhacemerwa Mariya. Mwana unoyu apaswa dzina ya Yezu.—Jwau 6:38.

Yezu akupfundzisa anthu anango pya Yahova

Ninga munthu pa dziko yapantsi, Yezu apangiza mwakukwana makhaliro a Mulungu. Iye akhali muthu wadidi, waufuni na wakudzolowereka. Mwakukhonda gopa, Yezu apfunzisa anthu undimomwene thangwi ya Yahova.

Yezu acita pinthu pyadidi mbwenye akhaidiwa. 1 Pedro 2:21-24

Yezu akulamusa ntsikana muli akufa, pontho awangisa mamuna akhabva kupha

Yezu awangisambo anthu akhaduwala na alamusa anthu anango mwa akufa.

Atsogoleri auphemberi akhaida Yezu thangwi iye akhalonga pakweca pipfunziso pyawo pyauthambi na makhaliro awo akuipa.

Atsogoleri auphemberi atundusa anthu Aciroma toera kumenya Yezu na kumupha.