Mafala Akutoma a Khundu 1

Pakutoma Bhibhlya isalonga pinthu pyakubalika pidacita Yahova kudzulu na pa dziko yapantsi. Khala ndimwe nyakubala, phedzani mwananu toera kuona pinthu pizinji pyakutsandzayisa pidacita Yahova. Mpangeni kuti Mulungu pidacita iye anthu, iye aapasa maluso mazinji kakamwe ninga luso yakulonga, yakunyerezera, yakucita pinthu, yakuimba na yakucita phembero. Mpangenimbo kuti Yahova ali na mphambvu, udziwisi na ufuni. Pontho asafuna pinthu pyonsene pidacita iye, kuphatanizambo m’bodzi na m’bodzi wa ife.