PFUNDZIRO 15

Kulonga Mwacinyindiro

1 Atesalonika 1:5

MUSAFUNIKA KUCITANJI: Pangizani cinyindiro cakuti pinalonga imwe mphyandimomwene, pontho ndi pyakufunika.

Khunganyikani mwadidi. Pfundzani mwadidi mphangwa mpaka kubvesesa ntsonga zakufunika, pontho onani kuti Bhibhlya isaphedzera tani ntsonga zenezi. Longani ntsonga zanu munjira yakukhonda nentsa. Nyerezerani kuti ntsonga zenezi zinaphedza tani anyakubvesera anu. Phembani nzimu wakucena.

Yeserani khundu yanu mwakugaluza mpaka kukhala na cinyindiro cakuti munakwanisa kuicita mwakukhonda nentsa.
Phatisirani mafala anapangiza cinyindiro. M’mbuto mwakubwerezera mafala adalembwa, phatisirani mafala anu ene. Longani munjira inapangiza kuti musanyindira pinalonga imwe.
Longani mwacinyindiro, pontho phatisirani mafala akubulukira muntima. Galuzani mwadidi fala yanu. Khala nee pinagwegwedusa anango, yang’anani kazinji kene anyakubvesera anu.

Lekani kunyerezera kuti kulonga mwacinyindiro ndi kulonga mwakusowa cilemedzo, pontho lekani kunyerezera kuti maonero anu ndi akuthema kakamwe. Maseze mphyakufunika kulonga mwacinyindiro, pangizani cilemedzo kuna anyakubvesera anu.