Kodi Musafunika Kumalisa Makani?

Munthu angaticita mbvundzo peno khala ciripo cinafuna iye kudziwa, ife tisakhala akutsandzaya toera kuntawira. Ife tisafuna kucedza na anthu akuti asafuna “kutawira undimomwene unapasa umaso wakukhonda mala.”—Mabasa 13:48.

Mphapo ndiye tani khala munthu basi ene asafuna kuketesana peno nee asafuna kucedza mu ndzidzi unoyu? Tisafunika kumalisa makani munjira yadidi na yakukhurudzika. (Mis. 17:14) Tisafunika kulonga mwacilemedzo, pontho munjira yadidi toera munthu akhale na cifuno cakucedza na ife paulendo unango.—1 Ped. 2:12.