KUTAWIRWA KWA MIBVUNDZO YA BHIBHLYA

Kodi Mulungu Akhala Tani?

Mulungu ndi nzimu wakukhonda oneka. Iye acita kudzulu, dziko yapantsi, na pinthu pyonsene pya umaso. Mulungu nee acitwa na munthu​—iye nkhabe matomero. (Masalmo 90:2) Mulungu asafuna kuti anthu ansake, pontho adziwe undimomwene thangwi ya iye.​—Lerini Machitiro 17:24-27.

Mulungu ndi munthu wakuti tinakwanisa kuncemera na dzina. Tinakwanisa kudzindikira makhaliro ace mangasi mu kudinga pinthu pidacita iye. (Aroma 1:20) Mbwenye toera kudziwa Mulungu, tisafunika kupfundza Mafalace, Bhibhlya. Iyo isatipangiza makhaliro aufuni a Mulungu.​—Lerini Masalmo 103:7-10.

Kodi Mulungu Asapibva Tani Thangwi Ya Uipi?

Nciti wathu, Yahova, asaida uipi. Iye acita anthu mwakulandana na iye. (Deuteronomyo 25:16) Ineyi ndi thangwi inacitisa azinji a ife kuida uipi. Uipi unatizungulira nee usacitiswa na Mulungu. Mulungu apasa anthu ufulu wakusankhula. Mwakutsukwalisa, anthu azinji asaphatisira ufulu wawo mwakuipa toera kucita pinthu pyakuipa. Ntima wa Yahova ‘usatsukwala.’​—Lerini Genesi 6:5, 6; Deuteronomyo 32:4, 5.

Yahova asafuna cilungamo, pontho, iye nkhabe kudzalekera kuti uipi upitirize kwenda na kwenda. (Masalmo 37:28, 29) Bhibhlya isapikira kuti mwakukhonda dembuka, Mulungu anadzamalisa uipi onsene.​—Lerini 2 Pedro 3:7-9, 13.

Toera kudziwa pizinji, onani nsolo 1 wa bukhu Kodi Mwandimomwene Bhibhlya Isapfundzisanji?, yakubuluswa na Mboni za Yahova

Isagumanikambo mu site www.jw.org