KUTAWIRWA KWA MIBVUNDZO YA BHIBHLYA

Kodi Bhibhlya ndi Mafaladi a Mulungu?

Imwe mbamudadikhira kuti Mafala a Mulungu akhale akupambulika, mbwenye Bhibhlya ndi yakupambulika. Makopya mazinji a Bhibhlya asadindwa m’madzana a pilongero. Udziwisi wa m’Bhibhlya uli na mphambvu yakucinja umaso wa anthu toera kucita pyadidi.​—Lerini 1 Atesalonika 2:13; 2 Timoti 3:16.

Tisadziwa kuti Bhibhlya ndi ya Mulungu thangwi isalonga mwandimomwene pya ntsogolo. Nee munthu m’bodzi anakwanisa kucita pyenepi. Mwacitsandzo, dingani bukhu ya Izaiya. Khundu ibodzi ya bukhu ineyi idalembwa mu pyaka madzana Yezu mbadzati kubalwa, yagumanika m’mphako cifupi na Bara Yakufa. Khundu ineyi isalonga kuti nzinda wa Babilonya mbudakhala madembe. Pyenepi pyakhala pyandimomwene mu pyaka pizinji mudamala Yezu utumiki wace pa dziko yapantsi.​—Lerini Izaiya 13:19, 20; 2 Pedro 1:20, 21.

Kodi bhibhlya yalembwa tani?

Bhibhlya yalembwa mu pyaka pyakupiringana 1.600. Anyakulemba Bhibhlya akukwana 40 atowezera nsolo ubodzi ene mbakhonda kuphonyana unango na andzace. Pyenepi pyakwanisika tani? Mulungu akhaatsogolera mukhalemba iwo.​—Lerini 2 Samwele 23:2.

M’midzidzi inango, Mulungu akhalonga na anyakulemba Bhibhlya mu kuphatisira aanju, masomphenya, peno ndoto. Kazinji kene, Mulungu akhaikha manyerezero ace mu nsolo wa nyakulemba mbantawirisa toera kusakhula mafala akuti mbadaaphatisira toera kulemba mphangwa za Mulungu.​—Lerini Apokalipse 1:1; 21:3-5.

Toera kudziwa pizinji, onani nsolo 2 wa bukhu iyi, Kodi Mwandimomwene Bhibhlya Isapfundzisanji?, yabuluswa na Mboni za Yahova

Isagumanika toera kucita download mu site www.jw.org