KUTAWIRWA KWA MIBVUNDZO YA BHIBHLYA

Thangwi Yanji Tisafunika kuphembera Kuti Umambo Wa Mulungu Udze?

Umambo wa Mulungu ndi utongi wakudzulu. Yezu apanga atowereri ace toera kuphemba kuti Umambo wa Mulungu udze thangwi iwo unadzakhazikisa cilungamo na ntendere pa dziko yapantsi. Nkhabe utongi wa anthu wakuti unakwanisa kumalisa uphanga onsene, nyatwa zonsene, peno mautenda, mbwenye Umambo wa Mulungu unakwanisa, pontho unadzacita pyenepi. Mulungu asankhula Mwanace, Yezu, toera kukhala Mambo wa Umambo. Yahova asankhulambo nsoka wa atowereri a Yezu toera kutonga pabodzi na Yezu mu Umambo.v​—Lerini Luka 11:2; 22:28-30.

Mwakukhonda dembuka, Umambo wa Mulungu unadzafudza apingizi onsene a utongi wa Mulungu. Natenepa, tingaphembera toera Umambo wa Mulungu udze, tisaphemba kuti utongi wa Mulungu upitire mbuto mautongi a anthu.​—Lerini Danyele 7:13, 14; Apokalipse 11:15, 18.

Thangwi Yanji Utongi Wa Mulungu Unadzaphindulisa Anthu?

Yezu ndi ntongi wakuthema thangwi iye ndi wantsisi. Ninga Mwana wa Mulungu, iye ali na mphambvu toera kuphedza anthu onsene anakhuwa mbaphemba ciphedzo ca Mulungu.​—Lerini Masalmo 72:8, 12-14.

Umambo wa Mulungu unadzaphindulisa anthu onsene anacita phembero na ntima onsene toera iwo udze, mbakhala maso mwakubverana na pinafuna Mulungu. Imwe munadzaphindula kakamwe mungapfundza pinalonga Bhibhlya thangwi ya Umambo wa Mulungu.​—Lerini Luka 18:16, 17; Jwau 4:23.

Toera kudziwa pizinji, onani nsolo 8 wa bukhu iyi, What Does the Bible Really Teach?, yakubuluswa na Mboni za Yahova

Isagumanikambo pa www.jw.org