KUTAWIRWA KWA MIBVUNDZO YA BHIBHLYA

Tinakwanisa kudziwa undimomwene thangwi ya Mulungu?

Mulungu asalonga na anthu. Iye aphatisira nzimu wace wakucena, peno mphambvu inaphata na iye basa, toera kuikha mafalace m’manyerezero a amuna adalemba Bhibhlya. (2 Pedro 1:20, 21) Tinakwanisa kudziwa undimomwene thangwi ya Mulungu mu kuleri Bhibhlya.​—Lerini Jwau 17:17; 2 Timoti 3:16.

M’Bhibhlya, Mulungu asapangiza pinthu pizinji thangwi ya iye. Asapangiza kuti thangwi yanji acita anthu, pinafuna iye kudzaacitira, pontho na asafuna kuti tikhale tani. (Machitiro 17:24-27) Yahova Mulungu asafuna kuti tidziwe undimomwene thangwi ya iye.​—Lerini 1 Timoti 2:3, 4.

Thangwi yanji Mulungu asakomerwa na anthu anafuna undimomwene?

Yahova ndi Mulungu wa undimomwene, na atuma Mwanace, Yezu, toera kupfundzisa anthu undimomwene. Natenepa, anthu onsene anafuna undimomwene asabvera Yezu. (Jwau 18:37) Mulungu asafuna anthu anewa toera akhale alambiri ace.​—Lerini Jwau 4:23, 24.

Sathani Dyabo asacimwanisa anthu azinji kudziwa Mulungu mukumwaza pipfundziso pyauthambi thangwi ya Mulungu. (2 Akorinto 4:3, 4) Anthu anakhonda funa pyadidi asabvera pipfundziso pyenepi pyauthambi. (Aroma 1:25) Mbwenye, anthu azinji a mitima yadidi asagumana undimomwene thangwi ya Mulungu mu kupfundza Bhibhlya.​—Lerini Machitiro 17:11.