Pyakulonga Pa Kugawira Marevista

A Sentinela 15 de Mar.

“Kazinji kene anthu asalonga pya kubwera kwa Yezu Kristu. Kodi musanyerezera kuti ceneci ndi cakucitika cakuthema kudikhirwa peno kugopiwa? [Dikhirani ntawiro.] Onani kuti nyakulemba Biblya Jwau apibva tani thangwi ya pyenepi. [Lerini Apokalipse 22:20.] Revista iyi isafokotoza pinafuna kudzakwaniriswa na kubwera kwa Kristu.”

Despertai! ya Mar.

“Atsogoleri azinji a dziko asaoneka kukhala aumbirimi kakamwe. Kodi musanyerezera kuti makhaliro anewa asaphedzera ntendere na kubverana n’dziko ino yapantsi? [Dikhirani ntawiro.] Ipi ndi pinalonga Biblya thangwi ya kugaya. [Lerini Misangani 16:18.] Revista iyi isafokotoza maphindu a kukhala wakucepeseka.” Fungulani nsolo unatoma pa tsamba 20.

A Sentinela 1.° de Abr.

“Cifupi na ntsiku zonsene tisathimbana na mabvunzo a pya ungumi wathu, banja yathu, na basa yathu. Kodi ndi kupi kunanyerezera imwe kuti tinakwanisa kugumana cinyindiro na matawiro akuphata basa? [Dikhirani ntawiro.] Onani pinalonga Biblya pa 2 Timoti 3:16. [Lerini.] Revista iyi isapangiza kuti Biblya inakwanisa tani kutiphedza mu njira zizinji zakuphata basa.”

Despertai! ya Abr.

“Mu makhundu mazinji a dziko, anthu asapibva kuti midida ya makhaliro adidi iri kucepa. Kodi mwaona pyenepi? [Dikhirani ntawiro.] Makhaliro anaona ife lero asakwanirisa profesiya ya Biblya. [Lerini 2 Timoti 3:2-4.] Revista iyi isapangiza kuti kucepa kwa makhaliro kusabvekanji na kusatsogolera anthu kupi.”