Pyakulonga Pa Kugawira Marevista

A Sentinela 15 de 1.° de Maio

“Kuthimizirika kwa pidengwa pyacibaliro mu ntsiku zathu kusacitisa anango kunyerezera kuti ife tiri kutcinyuswa na Mulungu. Kodi imwe musanyerezera tani? [Dikhirani ntawiro. Buluka penepo lerini 1 Jwau 4:⁠8.] Nsolo uyu usafokotoza kuti thangwi yanji Mulungu si anacitisa nyatwa zinaoneka pidengwa pyacibaliro pingacitika tayu.” Pangizani nsolo unatoma pa tsamba 30.

Despertai! ya Maio

Lerini Mateo 6:​10. Buluka penepo bvunzani: “Kodi mwatoma kale kubvunzika kuti cifuno ca Mulungu na dziko yapantsi ndi ninji? [Dikhirani ntawiro.] Mwakubverana na Biblya, Mulungu akhali na cifuniro na dziko yapantsi kutomera kalene na cifuniro ceneci hacidacinja tayu. Nsolo uyu usafokotoza.” Pangizani nsolo unatoma pa tsamba 10.

A Sentinela 1.° de Junho

“Ibodzi mwa mbiri zakudziwika kakamwe za Biblya ndi ya Noa na Cigumula. Kodi imwe musanyerezera kuti Cigumula cacitikadi? [Dikhirani ntawiro.] Cakukomeresa ndi cakuti Yezu alonga pya Cigumula peno madzi makulu ninga cinthu cakucitikadi. [Lerini Luka 17:​26, 27.] Revista iyi isalonga mathangwi akukhulupira mbiri ya Cigumula na isafokotoza ntsonga zakufunika zinapfunziswa na ico.”

Despertai! ya Junho

“Kukuza mwana ndi kwakunensa, makamaka mwana angafika pa uphale peno utsikana na kucita macinjo mazinji. Kodi imwe musanyerezera kuti anyakubala anagumana kupi uphungu wakunyindirika? [Dikhirani ntawiro. Buluka penepo lerini Izaiya 48:​17, 18.] Revista iyi isapereka maonero mangasi a mu ndzidzi wathu towera kuphedza anyakubala kuti acite pinthu mwaudziwisi na mwanzeru.”