Pyakucitwa Pyakudzumisa Pisapangiza Mbiri ya Mulungu
Anthu azinji asatsandzaya kuyang’ana pyakucitwa. Mbwenye anthu akucepa asadzindikira kuti pyakucitwa pyenepi pisapangiza manyerezero na mabvero a Nsasanyi wathu Wankulu. (Arom. 1:20) Kale kakamwe, Dhavidhi apfundza pya Yahova kubulukira ku Mafalace akupumirwa. Mbwenye iye “ayang’ana” na afendedzera Yahova kubulukira ku pyakucitwa. (Sal. 8:3, 4) Vidyu yakuti As Maravilhas da Criação Revelam a Glória de Deus, isatiphedza, isaphedzambo anathu na anyakupfundza athu a Bhibhlya toera kuyang’ana mwacidikhodikho pyakucitwa pinango pya Yahova, kuona makhaliro na uunthu wa Nsasanyi wathu Wankulu. Ninga maphindu a pyenepi tinafendedzera cifupi na iye. Pakumala kuona vidyu ineyi, munakwanisa kutawira mibvundzo iyi?
(1) Kodi kukula na masasanyiro apinthu kudzulu na pantsi asakulisa tani kupereka kwanu takhuta kuna Yahova? (Iza. 40:26) (2) Tingayang’ana mwacidikhodikho madzi, tinakwanisa kupfundzanji thangwi ya Mulungu? (Apok. 14:7) (3) Kodi kukula kwa dziko yapantsi na nsindzo unagumanika dzuwa mpaka pa dziko pisapangiza tani udziwisi wa Yahova? (4) Kodi mwezi wacitwa na cifuniro canji? (Sal. 89:37) (5) Yahova acita tani anthu toera kutsandzaya na umaso? (6) Ndi ninji DNA? (Sal. 139:16) (7) Pyakucitwa pyonsene pya Yahova pa dziko yapantsi, mphyakusiyana tani na anthu? (Gen. 1:26) (8) Ninji pinadikhira imwe mu dziko ipswa?
Makhundu Anango: (9) Kodi makore abuluka kupi? (10) Kodi madzi asakunda tani mphambvu yacibaliro toera kufika kuntsonga kwa miti? (11) Kodi madzi asaphata basa yanji m’manungo mwathu? (12) Perekani pitsandzo pya kubverana kunaoneka pakati pa pinthu pyaumaso. (13) Kodi pyakucitwa pisafika tani pakudziwa kufunika kwa kubverana peno kuphedzana na pyakucitwa pinango? (14) Ninji “ângulo de ouro,” na isapangizika tani mu pyakucitwa?
“Yang’anani” Mwacidikhodikho Pyakucitwa Pya Yahova: Yezu atiwangisa toera ‘kuyang’ana mbalame zakumburuka’ na kupfundza kubulukira mu ‘kuyang’ana maluwa a m’munda.’ (Mat. 6:26, 28) Kucita pyenepi kunakulisa cikhulupiro cathu, kuwangisa cinyindiro cathu kuna Nciti, pontho kunatiphedza toera kupasa ntengo udziwisi wa Yahova, mphambvu zace zakupulumusa anthu ace na ufuni wace. Mbuto mwakudzudzumika na mabasa a dziko ino, sakani ndzidzi, pontho wangisirani toera kuyang’ana pyakucitwa pyakudzumisa pya Yahova na kunyerezera kuti pisatipfundzisanji thangwi ya Mulungu wathu.—Sal. 19:1.