Mboni za Yahova—Cikhulupiro m’Mabasa, Khundu 2: Zisasiya Ceza Kuoneka

Pidabuluswa M’bale Rutherford na axamwali ace n’kaidi mu caka 1919, Anyakupfundza Bhibhlya akhali na basa ikulu kakamwe ntsogolo. Ninga munapangizira vidyu Testemunhas de Jeová—Fé em Ação, Parte 2: Deixam a Luz Brilhar, Anyakupfundza Bhibhlya mbadakhala na apingizi azinji, kubvesesa kwawo Malemba mbakudapitiriza kuthimizirika, pontho cikhulupiro cawo mbicidapepetwa. (Mis. 4:18; Mal. 3:1-3; Jwau 15:20) Pakumala kuona vidyu ineyi, munakwanisa kutawira mibvundzo iyi?

(1) Ndi njira zipi zidaphatisira Anyakupfundza Bhibhlya toera kumwaza mphangwa zadidi? (2) Ndi pidziwiso pipi pidacitwa pa misonkhano ya gawo yakupambulika mu caka 1931 na 1935? (3) Ndi mphangwa zipi zakufunika kakamwe zidalongwa mu revista A Sentinela ya 1.° de Novembro de 1939? (4) Longani pidacitika ku Madison Square Garden mu ndzidzi ukhacita M’bale Rutherford nkhani yakuti “Governo e Paz.” (5) Thangwi yanji nkhani ya M’bale Knorr ya nsolo wakuti “Paz—pode durar?” ikhali yakufunika kakamwe? (6) Mu caka 1942, ndi masasanyiro api adacita Mboni za Yahova toera kuthimizira basa yawo yakumwaza mphangwa? (7) Longani kuwangisira kukulu kakamwe kudacitwa toera kukhazikisa ufulu wathu ku Estados Unidos, Kanada, na Gresya. (8) Xikola ya Gileade yaphedza tani kuthimizirika kwa basa yakumwaza mphangwa? (9) Ndi basa ipi yakufunika kakamwe idatoma mu caka 1946, thangwi yanji? (10) Ndi mathanyo api adacita Mboni za Yahova toera kukhala na cinyindiro cakuti makhaliro awo aumaso abverane na midida ya Bhibhlya? (11) Fokotozani macinjo mangasi adacitwa mu pyaka 1970 toera kukhala na cinyindiro cakuti gulu ya Yahova ikutowezera mwadidi midida ya Bhibhlya. (12) Vidyu ineyi yakuphedzani tani kubvesesa mwadidi kuti ineyi ndi gulu ya Yahova, pontho kuti iye asaiyang’anira mwakukwana? (13) Kodi vidyu ineyi yawangisa tani kutonga kwanu toera kupitiriza kumwaza mphangwa mwaphinga mwakukhonda tsalakana mipingizo? (14) Tinaphatisira tani vidyu ineyi toera kuphedza acibale athu, anyakupfundza Bhibhlya, na anango?

Ntsiku zonsene zinagwanda zisathimizira mphangwa zipswa ku mbiri ya Mboni za Yahova. Malipoti anadzalonganji thangwi ya kuwangisira kwathu mu utumiki? Ninga pidacita abale athu mu ndzidzi wakale, tipitirizeni kukhala aphinga toera “mu chidima chioneke cheza”!—2 Akor. 4:6.