Maperekero Aumboni

Tinagumana Kupi Matawiro A Mibvundzo Mikulu Thangwi Ya Umaso?

Pasani mwanaciro nyumba tratado toera akwanise kuona nsolo, mbamulonga: “Muli tani. Tikucita khundu mu kampanya yakuti ikucitwa pa dziko yonsene toera kumwaza mphangwa izi zakufunika kakamwe. Iyi ndi tratado yanu.”

Khala musafuna kusiya tratado panyumba idakhonda imwe kugumana munthu, iyikheni pa mbuto yadidi mbamucalira kuifunya mwakusowa mathangwi.

Khala mwanaciro nyumba apangiza cifuno peno asafuna kucedza, munakwanisa kuphemba maonero ace thangwi ya mibvundzo inagumanika pa tsamba yakutoma ya tratado, mbamumpangiza pinalonga Masalmo 119:144, 160. Fokotozani kuti tratado iri na mphangwa zinalonga pya Web site yakuti inakwanisa kumphedza toera kugumana matawiro adidi m’Bhibhlya. Mwacitsandzo, angakhala na ndzidzi, panango munakwanisa kumpangiza vidyu yakuti: “Thangwi Yanji Tisafunika Kupfundza Bhibhlya?” Mbamudzati kubuluka, mpangizeni mibvundzo mitatu pa tsamba yakumalisa ya tratado, mbamusaka kudziwa kuti ndi upi unandzudzumisa kakamwe. Paulendo wakubwerera, dingani ntawiro mu kusaka pa ENSINOS BÍBLICOS > PERGUNTAS BÍBLICAS RESPONDIDAS.

Munjira inango, mu pisa pyakuti nkhabe kuphata Interneti, gawirani bruxura Mphangwa Zadidi Za Mulungu! munakwanisa kulonga: “Ndisafuna kukupangizani kuti mphyakutsandzayisa kakamwe kupfundza Mafala a Mulungu.” Siyani mwanaciro nyumba asankhule nsolo pa tsamba yakumalisa, buluka penepo longani: “Musadziwa kuti m’mphindi zingasi basi munakwanisa kugumana ntawiro wa mbvundzo unoyu wakufunika?” [Pangizani pyenepi mu kuphatisira mbvundzo udasankhula iye.] Phatisirani mbvundzo wa nsolo unatowerera toera kucita masasanyiro a ulendo wakubwereza. Panyumba yonsene, wangisirani toera kusiya tratado yakuti, Tinagumana Kupi Matawiro A Mibvundzo Mikulu Thangwi Ya Umaso?

Khala mukugawira micemerero ya nsonkhano wanu wa gawo, pasani mwanaciro nyumba ncemerero pa ndzidzi unagawira imwe tratado mbamulonga: “Mwakuthimizira, takugawiranimbo ncemerero wa nsonkhano wakukhonda kulipa unafuna kudza.”

Ncenjezi 1 ya Malimwe

Pakumala kwa sumana, longani tenepa toera kugawira Ncenjezi: “Tisafunambo kukugawirani marevista athu mapswa. Revista iyi ya Ncenjezi isatawira mbvundzo uyu: Kodi Mulungu asakutsalakanani?”

Despertai! de Agosto