Phatisirani jw.org Mu Utumiki Wanu—‘Torne-se Amigo de Jeová’
Khundu ya “Ensinos Bíblicos” inagumanika mu jw.org iri na khundu ya anang’ono inacemerwa ‘Torne-se Amigo de Jeová’ yakuti isaphataniza nyimbo, mavidyu na mabasa. Kodi mwaphatisira kale khundu ineyi mu utumiki wanu? Khala musapfundza Bhibhlya na nyakubala wakuti ali na anang’ono, thangwi yanji nkhabe kumpangiza khundu ineyi? Pyenepi pinadzancitisa kufuna kuona makhundu anango mu Web site yathu.
Mu ndzidzi ukhagawirwa tratado Mphangwa Za Umambo N.° 38, m’bale unango agumanikana na nkazi unango wakuti aleri mwakukhonda dembuka tratado idampasa iye. Iye akhali na anang’ono azinji akuti akhafuna kakamwe kudziwa pya tratado. M’bale alonga mwacigwagwa pinagumanika mu tratado mbampangiza Web site yathu inagumanika kuntsi kwa tratado. Nakuti nkazi akhadapangiza cifuno, m’bale abandza mwai toera kupangiza iye na anace ibodzi mwa mavidyu a Pedro mu kuphatisira ntokodzi wace wa m’manja.
Mulongo unango alonga na nyabasa ndzace wakuti ali na anapiana pya Web site yathu na mphangwa zinalonga pya banja zinagumanika mwenemu. Nkazi apita mu jw.org pabodzi na anace. Mukupita kwa ndzidzi, iye alonga kuna mulongo kuti anace akhazungulira nyumba mbakaimba ‘Pregue a Palavra,’ ibodzi mwa nyimbo zinagumanika pa khundu ‘Torne-se Amigo de Jeová.’
Dziwani mwadidi khundu ineyi ya jw.org na citani download ibodzi mwa mavidyu, nyimbo peno mabasa mu ntcini wandzeru peno ntokodzi wanu. Mungacita pyenepi, munadzakwanisa kuphatisira khundu ineyi ya jw.org mu utumiki wanu. Ndi feramentu yakufunika kakamwe yakutiphedza kutumikira Mbuya ninga bitcu!—Mach. 20:19.