Tisapfundzanji m’Bukhu ya Yona

Yahova acitisa kuti m’Bhibhlya mulembwe pidacitikira amuna na akazi akukhulupirika toera tipfundze kubulukira kwa iwo. (Arom. 15:4) Mwacitsandzo, tisapfundzanji m’bukhu ya Yona? Onani vidyu Adoração em família: Jonas—Aprenda da misericórdia de Jeová, buluka penepo tawirani mibvundzo iyi:

• Ndi pinentso pipi pidathimbana na amwazi mphangwa atatu adaona ife mu vidyu?

• Kodi bukhu ya Yona inatiphedza tani tingapaswa uphungu peno tingaluza miyai yakutumikira? (1 Sam. 16:7; Yona 3:1, 2)

• Kodi pidacitikira Yona pinatiphedza tani toera tikhale na maonero adidi thangwi ya cisa cathu? (Yona 4:11; Mat. 5:7)

• Kodi pidacitikira Yona pinatiphedza tani tingathimbana na utenda wakukhonda wanga? (Yona 2:1, 2, 7, 9)

• Mwapfundzanji mu vidyu iyi thangwi yakufunika kwa kuleri Bhibhlya na kunyerezera mwacidikhodikho?