Kuwangisa Munthu pa Ntsiku ya Sabudu

Mark. 3:1-5

Thangwi yanji Yezu atsukwala kakamwe na atsogoleri auphemberi Aciyuda? Thangwi iwo akhacitisa ntsiku ya Sabudu kukhala yakunentsa kakamwe thangwi yakukhonda kubvesesa kwawo mwambo ukhalonga pyakuphata basa pa ntsiku ineyi. Mwacitsandzo, iwo akakhondesa kupha cadho. Basi ene mwambo ukhatawirisa kuwangisa munthu pa ntsiku ya Sabudu khala umaso wace uli pangozwi. Pyenepi pisabveka kuti anthu akhakhondeswa kubwezera gogodo pa mbuto payo peno kumanga cironda pa ntsiku ya Sabudu. Mitemo ineyi ikhapangiza kuti atsogoleri auphemberi nee akhatsalakana mabvero a mamuna unoyu wakulamala.