Akristu Andimomwene Asadziwika Thangwi ya Ufuni—Komerwani na Undimomwene

THANGWI YANJI MPHYAKUFUNIKA: Mukutowezera Yezu, ife tisafunika kupereka umboni wa undimomwene unalonga thangwi ya pinafuna Mulungu. (Jwau 18:37) Pontho tisafunika kukomerwa na undimomwene, kulonga undimomwene na kucita pyonsene pyakuti ndi pyadidi, maseze tikukhala mu dziko yakuti nkhabe longa undimomwene, pontho nkhabe cita pinthu pyakulungama.—1 Akor. 13:6; Afil. 4:8.

TINACITA TANI PYENEPI:

• Khalani akutonga toera mukhonde kubvesera peno kuenda mbamulonga mapsweda.—1 Ates. 4:11

• Lekani kukomerwa anango angathabuka

• Komerwani na pinthu pyadidi, pinthu pyakuwangisa

ONANI VIDHYU YAKUTI ‘FUNANANI UNANGO NA NDZACE’— KOMERWANI, TAYU NA PYAKUSOWA ULUNGAMI, MBWENYE NA UNDIMOMWENE, BULUKA PENEPO TAWIRANI MIBVUNDZO IYI:

• Mulongo Dhebhora apangiza tani kuti akhakomerwa na pinthu ‘pyakusowa ulungami’?

• Kodi mulongo Alice acitisa tani kuti makani ace na mulongo Dhebhora akhale akuwangisa?

• Ndi pinthu pipi pyadidi pyakuti tinakwanisa kupilonga pakucedza?