KUKHALA MASO NINGA AKRISTU

Khalani Wakucepeseka Mungasimbwa na Anango

Midzidzi inango, anthu anango anakwanisa kutisimba. Pyenepi pinakwanisa kutiwangisa khala iwo asatisimba na ntima onsene, pontho na mathangwi adidi. (Mis. 15:23; 31:10, 28) Mbwenye tisafunika kucita mphole-mphole toera tikhonde kunyerezera kuti ndife akufunika kakamwe kupiringana anango peno kudzikuza.

PANGIZANI VIDHYU YA NSOLO WAKUTI KHALANI WAKUKHULUPIRIKA NINGA YEZU—MUNGASIMBWA NA ANANGO, BULUKA PENEPO TAWIRANI MIBVUNDZO IYI:

Ndi pinthu pipi pinango pinacita ife pyakuti anango anakwanisa kutisimba?
Kodi abale asimba tani Sergei?
Ndi munjira ipi kusimba kwawo nee kukhali kwakuthema?
Musapfundzanji na njira idatawira Sergei?

Khundu ya vidhyu ya nsolo wakuti ‘Khalani Wakukhulupirika Ninga Yezu—Mungasimbwa na Anango’ isapangiza Sergei ali pabodzi na abale anango nyumba, pontho iye akutawira mwakucepeseka mu ndzidzi unasimbwa iye na abale anewa.