Funani Anthu a m’Banja Mwanu

Ufuni ndi kola yakuti isacitisa anthu a pabanja kukhala akuphatana. Pabanja pangasoweka ufuni, pisakhala pyakunentsa toera anthu akhale akuphatana na akubverana. Amuna akumanga banja na akazi akumanga banja, kuphatanizambo anyakubala anapangiza tani ufuni m’banja?

Mamuna wakumanga banja waufuni asatsalakana mabvero, maonero na pinthu pinafuna nkazace. (Aef. 5:28, 29) Iye asatsalakana banjace mu pinthu pyakumanungo, pontho asacitisa Kulambira Kwa Banja mwakukhonda phonya. (1 Tim. 5:8) Nkazi wakumanga banja waufuni asabvera mamunace, pontho ‘asamulemedza kakamwe.’ (Aef. 5:22, 33; 1 Ped. 3:1-6) Mamuna na nkazi wakumanga banja asafunika kulekererana unango na ndzace. (Aef. 4:32) Anyakubala aufuni asafuna anawo, pontho asaapfundzisa toera afune Yahova. (Deut. 6:6, 7; Aef. 6:4) Mwacitsandzo, iwo asafunika kubvundzika: Ndi pinentso pipi pinathimbana na anathu kuxikola? Asacitanji angakakamizwa toera kucita pinthu pyakuipa? Anthu onsene angafunana pabanja, pisaphedza toera banja ikhale yakutsidzikizika na yakutsandzaya.

ONANI VIDHYU YA NSOLO WAKUTI PANGIZANI UFUNI WAKUKHONDA KUMALA M’BANJA, BULUKA PENEPO TAWIRANI MIBVUNDZO IYI:

• 

  Mamuna waufuni asafunika kutsalakana tani nkazace?

• 

  Nkazi waufuni anapangiza tani kuti asalemedza kakamwe mamunace?

• 

  Anyakubala aufuni anapfundzisa tani anawo Mafala a Mulungu?