KUKHALA MASO NINGA AKRISTU

Ndi Maonero Api Asafunika Kukhala na Imwe Thangwi ya Pyakumwa Pyakuledzeresa?

Khundu ya vidhyu ‘Nyerezerani Mwadidi Mbamudzati Kumwa Pyakuledzeresa.’ Nyoka ikubuluka nkopo ya pyakumwa pyakuledzeresa yakuti iri m’manja mwa mamuna.

Akristu onsene asafunika kucita mphole-mphole na pyakumwa pyakuledzeresa. (Mis. 23:20, 29-35; 1 Akor. 6:9, 10) Khala Nkristu asafuna kumwa pyakumwa pyakuledzeresa, asafunika kucita pyenepi mwakukhonda kupiringana midida. Iye nee asafunika kumwa ndzidzi onsene, pontho asafunika kucalira kugwegwedusa anango. (1 Akor. 10:23, 24; 1 Tim. 5:23) Kusiyapo pyenepi, ife nee tisafunika kukakamiza anango toera amwe pyakumwa pyakuledzeresa, makamaka aphale na atsikana.

ONANI VIDHYU YA NSOLO WAKUTI NYEREZERANI MWADIDI MBAMUDZATI KUMWA PYAKULEDZERESA, BULUKA PENEPO TAWIRANI MIBVUNDZO IYI:

Thangwi yanji tisafunika kubvera mitemo inalonga thangwi ya pyakumwa pyakuledzeresa? —Aroma 13:1-4
Thangwi yanji tisafunika kukhonda tingakakamizwa toera kumwa pyakuledzeresa?—Aroma 6:16
Tinacalira tani ngozwi yakumwa pyakuledzeresa?