BHIBHLIYOTEKA MU INTERNETI ya Torre de Vigia
Ncenjezi
ya Torre de Vigia
Cisena
  • BHIBHLYA
  • MABUKHU
  • MISONKHANO
  • mwb21 Julho ya tsa. 11
  • Tsalakana Akazi Akukalamba Ninga Mai Wako, Atsikana Ninga Anakazi Ako

Nkhabe kugumanika vidhyu pa khundu ino.

Munatilekerera, paoneka madodo pakupangiza vidhyu.

  • Tsalakana Akazi Akukalamba Ninga Mai Wako, Atsikana Ninga Anakazi Ako
  • Umaso Wathu Wacikristu na Utumiki—Programu ya Misonkhano—2021
  • Mphangwa Zakulandana
  • Kodi Musatsalakana Akazi Ninga Munaatsalakanira Yahova?
    Ncenjezi Wakudziwisa Umambo Wa Yahova (Wa Pfundziro)—2024
  • Phedzani Alongo a mu Mpingo Mwanu
    Ncenjezi Wakudziwisa Umambo Wa Yahova (Wa Pfundziro)—2020
  • Basa Iri na Akulu a Mpingo
    Ncenjezi Wakudziwisa Umambo Wa Yahova (Wa Pfundziro)—2021
  • Lemedzanani Unango na Ndzace mu Mpingo wa Yahova
    Ncenjezi Wakudziwisa Umambo Wa Yahova (Wa Pfundziro)—2020
Onani Mphangwa Zinango
Umaso Wathu Wacikristu na Utumiki—Programu ya Misonkhano—2021
mwb21 Julho ya tsa. 11
Pakumala kwa misonkhano, m’bale akuphedza mulongo wakugwesera toera akwire karu, pontho mulongo unango ali kufamba naye pabodzi.

KUKHALA MASO NINGA AKRISTU

Tsalakana Akazi Akukalamba Ninga Mai Wako, Atsikana Ninga Anakazi Ako

Bhibhlya isalonga kuti tisafunika kutsalakana Akristu akukalamba ninga amai athu na apai athu, pontho alongo akuti ndi atsikana ninga anakazi athu. (Lerini 1 Timoti 5:1, 2.) Makamaka abale asafunika kutsalakana alongo mwacilemedzo.

M’bale nee asafunika kupfinyira diso mulongo, peno kucita pinthu pyakuti pinancitisa kukhala na manyadzo. (Yobe 31:1) Kusiyapo pyenepi, m’bale nee asafunika kucita pinthu pyakuti pinacitisa mulongo kunyerezera kuti iye asafuna kubanyirana naye.

Akulu a mpingo asafunika kutsalakana mwadidi alongo ale anasaka ciphedzo kuna iwo, peno angalonga cinthu cakuti cisafunika kusasanyirwa. Pontho, akulu a mpingo asafunika kutsalakana mwadidi na kutsidzikiza alongo akuti nee ali na amuna.—Rute 2:8, 9.

ONANI VIDHYU YA NSOLO WAKUTI PANGIZANI UFUNI WAKUKHONDA KUMALA MU MPINGO—KUNA AKAZI ADAFERWA NA AMUNAWO NA KUNA ANA AUMPHAWI, BULUKA PENEPO TAWIRANI MIBVUNDZO IYI:

  • Khundu ya vidhyu ‘Pangizani Ufuni Wakukhonda Kumala mu Mpingo—Kuna Akazi Adaferwa na Amunawo na Kuna Ana Aumphawi.’ Abale na alongo akubalangaza Mulongo Myint pabodzi na anace mu ndzidzi udafa mamunace na cidengwa ca karu.

    Kodi abale na alongo apangiza tani ufuni kuna Mulongo Myint?

  • Khundu ya vidhyu ‘Pangizani Ufuni Wakukhonda Kumala mu Mpingo—Kuna Akazi Adaferwa na Amunawo na Kuna Ana Aumphawi.’ Vizinyu akuyang’ana banja ibodzi ya Mboni za Yahova ikuenda kaona Mulongo Myint pabodzi na anace.

    Ufuni unoyu udapangiza abale na alongo wapereka tani umboni kuna anthu a apacisa?

  • Khundu ya vidhyu ‘Pangizani Ufuni Wakukhonda Kumala mu Mpingo—Kuna Akazi Adaferwa na Amunawo na Kuna Ana Aumphawi.’ Mulongo Myint pabodzi na anace ali pa nsonkhano wa mpingo.

    Ufuni udapangiza abale na alongo waphedza tani ana awiri akazi a Mulongo Myint?

Musafunika kucitanji toera kupangiza kuti musatsalakana mwaufuni alongo a mu mpingo mwanu?

    Mabukhu Acisena (1982-2025)
    Bulukani
    Fungulani
    • Cisena
    • Tumizirani Anango
    • Sankhulani Pinafuna Imwe
    • Copyright © 2025 Watch Tower Bible and Tract Society of Pennsylvania
    • Pinafunika Imwe Kutowezera
    • Cibisobiso
    • Configurações de Privacidade
    • JW.ORG
    • Fungulani
    Tumizirani Anango