Kodi Alongo Anakwanisa Tani Kuthimizira Utumiki Wawo?

Alongo asacita pizinji kakamwe toera kuphedzera basa ya Umambo. (Masal. 68:11) Iwo asacitisa mapfundziro a Bhibhlya mazinji, pontho azinji asatumikira ninga apainiya a ndzidzi onsene kupiringana abale. Kusiyapo pyenepi, alongo azinji kakamwe asatumikira pa Bheteli, asatumikira ninga amisionaryo, m’basa yakumanga Nyumba za Umambo, pontho asatumikira ninga athumburuzi. Alongo akukola mwauzimu asawangisa mabanja awo na mipingo. (Mis. 14:1) Maseze alongo nee asatumikira ninga akulu a mpingo peno atumiki akutumikira, iwo anakwanisa kukhazikisa pifuno pyakuthimizira utumiki wawo. Khala imwe ndimwe mulongo, ndi pinthu pipi pyakuti munakwanisa kupicita toera kuthimizira utumiki wanu?

• Kulisani makhaliro auzimu.—1 Tim. 3:11; 1 Ped. 3:3-6

• Phedzani alongo akuti nee ali na maluso mazinji mu mpingo mwanu.—Tito 2:3-5

• Yeserani kumwaza mphangwa mu ndzidzi uzinji, pontho thimizirani maluso anu

• Pfundzani cilongero cinango

• Ndokoni katumikira ku cisa cakuti nee ciri na amwazi mphangwa azinji

• Prenxerini petisau toera katumikira ku Bheteli peno toera kuphedzera basa yakumanga nyumba mu gulu ya Yahova

• Prenxerini petisau toera kuenda Kuxikola ya Amwazi Mphangwa a Umambo

ONANI VIDHYU YA NSOLO WAKUTI “MULHERES QUE TRABALHAM ARDUAMENTE NO SENHOR,” BULUKA PENEPO TAWIRANI MBVUNDZO UYU:

• Kodi mafala adalonga alongo adapangizwa mu vidhyu akuwangisani tani?