Phedzani Anyakupfundza a Bhibhlya Toera Acalire Axamwali Akuipa

Toera akhale axamwali a Yahova anyakupfundza a Bhibhlya asafunika kukhala na axamwali adidi. (Masal. 15:1, 4) Axamwali adidi anaaphedza toera kucita pinthu pyadidi.—Mis. 13:20; Seja Feliz Para Sempre! nsolo 48.

Khalani akukhurudzika mu ndzidzi unaphedza imwe anyakupfundza anu a Bhibhlya toera kucalira axamwali akuipa. Panango pinakhala pyakunentsa kuna iwo toera kusiya kucedza na axamwali awo a dziko. Na thangwi ineyi, pangizani citsalakano kuna iwo, ngakhale mu ntsiku zakuti nee musapfundza nawo Bhibhlya. Pyenepi pisaphataniza kuatumiza mphangwa, kucedza nawo mukuphatisira telefoni peno kuenda kaaona panyumba pawo. Mu ndzidzi unathambaruka iwo, imwe munakwanisa kuacemera toera kucedza pabodzi na abale na alongo. Natenepa iwo anakwanisa kuona kuti ali kugumana axamwali azinji kupiringana ale adasiya iwo. (Marko 10:29, 30) Kusiyapo pyenepi, imwe munakhala akutsandzaya kakamwe mungaona kuti atumiki a Yahova akuthimizirika.

ONANI VIDHYU YA NSOLO WAKUTI PHEDZANI ANYAKUPFUNDZA ANU A BHIBHLYA TOERA ACALIRE AXAMWALI AKUIPA, BULUKA PENEPO TAWIRANI MIBVUNDZO IYI:

• Ndi api axamwali akuipa?—1 Akor. 15:33

• Kodi Zaida akhanyerezera kuti mbadapibva tani angakhala pabodzi na abale na alongo toera kucedza?

• Kodi Rita aphedza tani Zaida toera kusiya axamwali akuipa?