KUKHALA M’MASO NINGA AKRISTU

Phedzani Anthu Akuti Nee Asaphembera Toera Adziwe Nciti Wawo

Kodi imwe musanyinyirika kumwazira mphangwa anthu akuti nee asaphembera mbamunyerezera kuti panango nee anatawira mphangwa zanu? Khala ndi tenepo, kumbukani kuti anthu azinji akuti nee asaphembera kuphatanizambo ale analonga kuti Mulungu nee alipo asakhalambo Mboni za Yahova. Basi ene iwo asafunika kuphedzwa toera aone pinthu pinapangiza kuti Mulungu alipo.—Aroma 1:20; 10:14.

ONANI VIDHYU YA NSOLO WAKUTI TOWEZERANI ANTHU AKUKHULUPIRIKA, TAYU AKUKHONDA KHULUPIRIKA—ANTHU AKUTI NEE ASAPHEMBERA, BULUKA PENEPO TAWIRANI MBVUNDZO UYU:

Pidacitikira Tommaso pinakuphedzani tani toera kukhala na maonero adidi pakumwazira mphangwa anthu akuti nee asaphembera?

Ntawiro wanu

Munacita tani pyenepi?

Munthu angalonga kuti nee asakhulupira Mulungu, pangizani makhaliro adidi, khalani wacilemedzo, pontho pangizani kuti musalemedza manyerezero ace na mabvero ace. (2 Tim. 2:24) Cedzani pinthu pyakuti panango anakomerwa napyo. Kodi iye asafuna kucedza pinthu pyakuti pisaphedza anthu azinji toera kukhulupira Nciti? Khala ndi tenepo, phatisirani mabukhu na mavidhyu analonga pinthu pyenepi. Mabhruxura akuti A Vida Teve Um Criador? na A Origem da Vida—Cinco Perguntas Que Merecem Resposta asagumanika m’Bokosi Yathu Yakupfundzisa toera kuaphatisira mwakukhonda nentsa.

Pakutoma, panango munagopa kumwazira mphangwa munthu wakuti nee asakhulupira Mulungu. Musaona tani kuphemba ciphedzo ca m’mwazi mphangwa waluso? Kumbukani kuti Yahova anakwanisa kutiphedza toera kukhuya mitima ya ale anafuna kutawira undimomwene, maseze pakutoma nee akhakhulupira kuti Mulungu alipo.—Mabasa 13:48.