Kupfundza Mwadidi Bhibhlya Kunakuphedzani Toera Kukhala m’Maso

Lerini Dhanyeli 9:1-19 toera kuona kufunika kwa kupfundza mwadidi Bhibhlya.

Onani pinalongwa m’mavesi a nduli na a ntsogolo. Ndi pinthu pipi pikhadamala kwene kucitika, pontho pinthu pyenepi pyakhuya tani Dhanyeli? (Dhan. 5:29–6:5) Mbidakhala ndimwe adacitikirwa na pyenepi mbamudapibva tani?

Sakani mphangwa zinango. Ndi ‘mabukhu api akucena’ akuti panango Dhanyeli aafufudza? (Dhan. 9:2, cidzindikiro capantsi; Sentinela 1/1/11 tsa. 22 ndima 2) Thangwi yanji Dhanyeli abweka madawo ace na madawo a dzindza ya Izraeli? (Lev. 26:39-42; 1 Ama. 8:46-50; Profecia de Daniel tsa. 182-184) Phembero ya Dhanyeli yapangiza tani kuti iye akhapfundza mwadidi Mafala a Mulungu?—Dhan. 9:11-13.

Tisapfundzanji? Bvundzikani:

• ‘Ndisafunika kucitanji toera ndikhonde kudzudzumika na pinthu pinacitika n’dziko?’ (Mik. 7:7)

• ‘Thangwi yanji ndi pyadidi kupfundza Bhibhlya ninga pidacita Dhanyeli?’ (Sentinela 1/8/04 tsa. 12 ndima 17)

• ‘Ndi pinthu pipi pyakuti ndisafunika kuphataniza pa pfundziro yanga ya munthu paekha toera ndipitirize ‘kukhala m’maso’?’ (Mat. 24:42, 44; Sentinela 15/8/12 tsa. 5 ndima 7-8)