Pangani Anango Pinthu Pidapfundza Imwe

Pfundziro ya munthu paekha inakwanisa kutiwangisa. Mbwenye ife tinawangiswa kakamwe tingapanga anango pinthu pinapfundza ife. Lemba ya Misangani 11:25 isalonga: “Ule anabalangaza andzace anadzabalangazwambo.”

Kazinji kene tingapanga anango pinthu pidapfundza ife tisabvesesa mwadidi pinthu pidapfundza ife, pontho pisakhala pyakukhonda nentsa toera kupikumbuka. Kusiyapo pyenepi, tinakhala akutsandzaya thangwi tisadziwa kuti mphangwa zenezi zinakwanisa kuaphedza.—Mabasa 20:35.

Yeserani kucita ipi: Sumana inafuna kudza sakani miyai yakupanga anango pinthu pidapfundza imwe. Munakwanisa kupanga acibale anu, m’bale wa mu mpingo mwanu, ndzanu wakubasa peno wakuxikola, vizinyu wanu peno munthu anagumana imwe m’basa yakumwaza mphangwa. Yeserani kulonga munjira yakukhonda nentsa kubvesesa.

Kumbukani: Cifuno canu ndi kuawangisa, tayu kuapangiza kuti musadziwa pizinji kupiringana iwo.—1 Akor. 8:1.