Kalendaryo Ya 2011 Isagomezera Kulambira kwa Banja

Kulambira kwa Banja ndi nsolo wa Kalendaryo wa Mboni za Yahova wa caka ca 2011. Kalendaryo ineyi isapangiza mabanja a midzidzi ino na mabanja a midzidzi ya Bhibhlya. Isapangizambo atumiki a Yahova akumanga banja na akukhonda kumanga banja mbakapfunza Mafalace.

Anthu a m’Bhibhlya anapangizwa mu kalendaryo akhatsanzaya na mwambo wa Yahova, na pyenepi pikhali pyakufunika mu kuaphedza toera kutsalakana pinenso pyakusiyana siyana pikhathimbana na iwo. (Sal. 1:2, 3) Munadinga ife cithunzithunzi cibodzi na cibodzi cinagumanika mu kalendaryo, tinadzakumbuka kufunika kwa Kulambira kwa Banja, ngakhale tiri pa banja yakuti iri na anthu azinji peno akucepa, banja yakuti onsene ndi alambiri andimomwene a Yahova peno nkhabe. Mu kalendaryo muli na mbuto toera mulembe ntsiku idasankhula banja yanu toera kucita Kulambira kwa Banja. Kodi mwalemba kale ntsiku ineyi?