NYIMBO 128
Pirirani Mpaka Kunkhomo
Yadhindwa
1. Bhibhlya isatiwangisa
Kuti tipirire.
Pinatipfundzisa iyo
Ndi pyandimomwenedi.
Tisafunika pirira
Mpaka fika kunkhomo.
Tipitirize dzololo
Ngakhale m’mayesero.
2. Pitirizani kufuna
Yahova Mulungu,
Mwakukhonda tsalakana
Mungakhala pa nyatwa.
Mungayeserwa lekani
Kudzabwerera nduli.
Munaphedzwa na Yahova
Toera mupirire.
3. Onsene anapirira
Anapulumuswa.
Madzinawo analembwa
Mu bukhu ya umaso.
Pangizani kupirira
M’mabasanu onsene.
Toera mudzatsandzaye
Na nkhombo za Yahova.
(Onanimbo Aheb. 6:19; Tya. 1:4; 2 Ped. 3:12; Apok. 2:4.)