Mabasa Akudzumisa a Mulungu

1. M’lungu, imwe musandidziwa,

Ndingalamuka na ndingagona.

Ngakhale pinanyerezera ine

Na pinacita ine

musapidziwa.

Mwaona pikhacitwa ine,

Imwe musakumbuka pyonsene.

Yahova, ine ndinakusimbani

Thangwi ya mabasanu

akudzumisa.

Udziwisi wanu usadzumisa,

Ndimwe wakuthema kulemedzwa.

Ndingakhala pa cidima cikulu

Imwe munadzanditsidzikiza.

Ine ndinabisala kupi,

Toera mukhonde kundiona?

Ngakhale n’cidima, m’bara, mu Nthumbi,

Peno kudzulu, imwe

munandiona.