PFUNDZIRO 12

Longani Mwaufuni na Mwantsisi

1 Atesalonika 2:7, 8

MUSAFUNIKA KUCITANJI: Pangizani kuti musafuna anyakubvesera anu, pontho musafuna kuaphedza.

Nyerezerani anyakubvesera anu. Nyerezerani nyatwa zinatamba iwo. Yeserani kubvesesa mabvero awo.
Sankhulani mwadidi mafala anu. Balangazani anyakubvesera anu, pontho awangiseni. Calirani kulonga mafala akuti anaatsukwalisa, pontho lekani kulonga mwakuipa anthu akuti nkhabe kukhulupira Yahova, peno pinthu pinakhulupira iwo.
Pangizani citsalakano. Longani mwakukoma ntima, pontho citani majesto akuthema toera kupangiza kuti musatsalakana anyakubvesera anu. Nyerezerani mwadidi mabvero anafuna kupangiza imwe, pontho mwetulirani kazinji kene.

Lekani kukakamizika toera kupangiza mabvero peno kuatekeresa. Mu ndzidzi unaleri imwe, pangizani mabvero akuti asabverana na mafala analeri imwe, pontho citisani kuti anthu apase mbiri Mulungu, tayu imwe. Wangisirani toera kulonga mwakukoma ntima na mwaufuni.