Kuphataniza Ulambiri Wandimomwene na Wauthambi
Kodi mauphemberi onsene asalambira Mulungu m’bodzi ene?
Kodi Bhibhlya isalonga kuti mauphemberi onsene ndi akutawirika kuna Yahova, maseze apfundzise pinthu pyakusiyana?
Mat 7:13, 14; Ju 17:3; Aef 4:4-6
Pitsandzo pya m’Bhibhlya pyakuti pinatiphedza:
Yos 24:15—Yoswa alonga kuti tisafunika kusankhula khala tisafuna kulambira Yahova peno alungu anango.
1Am 18:19-40—Yahova aphatisira mprofeta Eliya toera kupangiza kuti ale analambira Mulungu wandimomwene nee asafunika kulambira alungu anango ninga Bhaale.
Kodi Yahova asaona tani alungu authambi na kulambirwa kunacitwa iwo?
Yahova asaona tani mauphemberi analonga kuti asamulambira, mbwenye mbacita pinthu pizinji pyakuipa?
Iza 1:13-15; 1Ak 10:20-22; 2Ak 6:14, 15, 17
Pitsandzo pya m’Bhibhlya pyakuti pinatiphedza:
Eks 32:1-10—Thangwi ya kukakamizwa na Aizraeli anango, Aroni acita dzimunthu ya mwanangʼombe mbaiphatisira toera kucita “phwando ya Yahova,” pyenepi pyatsukwalisa kakamwe Yahova.
1Am 12:26-30—Mambo Yerobhoamu nee akhafuna kuti mbumba ya Mulungu iende ku templo ku Yerusalemu; na thangwi ineyi, iye acita madzimunthu toera kuimirira Yahova, mbacitisa anthu kudawa.
Yahova alonganji kuna Aizraeli thangwi ya kubvungazikana na anthu akuti akhalambira alungu anango?
Yahova acitanji pidaona iye kuti mbumba yace ikhacitambo pinthu pikhacita mauphemberi anango?
Ato 10:6, 7; Mas 106:35-40; Yer 44:2, 3
Pitsandzo pya m’Bhibhlya pyakuti pinatiphedza:
1Am 11:1-9—Thangwi yakusemba akazi a madzindza anango, mambo Salomoni atoma kulambira madzimunthu mbacitisambo mbumba kucita pibodzi pyene, pyenepi pyatsukwalisa kakamwe Yahova.
Mas 78:40, 41, 55-62—Azafe alonga kuti kulambira madzimunthu na kukhonda bvera kwa Aizraeli kwatsukwalisa kakamwe Yahova, mbapincitisa kukhonda mbumba yace.
Kodi Yezu akhaphedzera pipfundziso pya mauphemberi pyakuti nee pikhabverana na Bhibhlya?
Pitsandzo pya m’Bhibhlya pyakuti pinatiphedza:
Mat 16:6, 12—Yezu alandanisa pipfundziso pya Asadhuki na Afarisi na ntombwe wakutupisa mikate, thangwi ninga munamwazika ntombwe unoyu mu ufa udamala kumunywa, pipfundziso pyauthambi pisamwazika mwakucimbiza mbapiipisa undimomwene wa Mafala a Mulungu.
Mat 23:5-7, 23-33—Yezu asandika apfundzisi a mwambo na Afarisi thangwi ya umpfakafaka wawo na pipfundziso pyawo pyauthambi.
Mar 7:5-9—Yezu asandika apfundzisi a mwambo na Afarisi thangwi ya kulemedza kwawo pipfundziso pya anthu, kusiyapo Mafala a Mulungu.
Kodi Yezu akhafuna kuti anyakupfundzace amwazike mbakhazikisa mauphemberi mazinji akusiyana-siyana?
Pitsandzo pya m’Bhibhlya pyakuti pinatiphedza:
Ju 15:4, 5—Yezu aphatisira citsandzo ca muti wa mauva toera kupangiza kuti anyakupfundzace akhafunika kubverana na iye, pontho na Akristu anango.
Ju 17:1, 6, 11, 20-23—Namasiku mbadzati kufa, Yezu pikhali iye na apostolo ace, acita phembero toera anyakupfundzace ace onsene andimomwene akhale akuphatana.
Kodi Akristu a mu ndzidzi wakale akhakhulupira pibodzi pyene, mbalambira Yahova munjira ibodzi ene?
Pitsandzo pya m’Bhibhlya pyakuti pinatiphedza:
Mab 11:20-23, 25, 26—Mipingo ya ku Antiokiya na ya ku Yerusalemu ikhali yakuphatana, pontho ikhabverana.
Aro 15:25, 26; 2Ak 8:1-7—Mipingo ya mu ndzidzi wa apostolo ikhapangiza ufuni kuna unango na undzace, ikhaphedzana m’midzidzi ya nyatwa, mbipangiza kuti ikhali yakuphatana.
Kodi mauphemberi onsene analonga kuti asakhulupira Kristu, ndi akutawirika kuna Mulungu?
Uphemberi ungakhonda kubvera pipfundziso pya Yezu na pya apostolo, kodi iwo ndi wakutawirika kuna Mulungu?
Pitsandzo pya m’Bhibhlya pyakuti pinatiphedza:
Mat 13:24-30, 36-43—Na nsangani unoyu, Yezu apfundzisa kuti ninga nyakasongole wakuti asakula mbamwazika m’munda, Akristu azinji akusangazira mbadatoma kugumanika mu mpingo.
1Ju 2:18, 19—Mpostolo Juwau wakuti akhadakalamba alonga kuti anyamalwa Akristu akhadaoneka kunkhomo kwa ndzidzi wa apostolo.