Dzina ya Mulungu (yaikhwa cidzindikiro) ninga munabwera iyo m’Bhibhlya yakale yakulembwa na manja
Kodi Bhibhlya Isalonganji?
Kodi Mulungu ali na dzina?
ANANGO ASALONGA kuti iye nkhabe dzina, anango asalonga kuti dzinace ndi Mulungu peno Mbuya, anangombo asalonga kuti ali na madzina mazinji. Imwembo musanyerezeranji?
BHIBHLYA ISALONGANJI
“Imwe, dzina yanu ndi Yahova, imwe mwekha ndimwe Wankulu Kakamwe pa dziko yonsene.”—Masalmo 83:18, NM.
NINJI PONTHO PINAPFUNDZA IFE M’BHIBHLYA?
Maseze Mulungu ali na pidzo pizinji, iye apasika ekhene dzina ibodzi basi.—Eksodo 3:15.
Mulungu nee ndi cinthu cakukhonda dziwika; iye asafuna kuti tindziwe.—Machitiro 17:27.
Kudziwa dzina ya Mulungu kunakwanisa kukhala thanyo yakutoma toera kukhala xamwali wace.—Tyago 4:8.
Ndi kwakuipa kulonga dzina ya Mulungu?
MBAMUDATAWIRA TANI?
Inde
Nkhabe
Pisanyindira njira inailongera munthu
BHIBHLYA ISALONGANJI
‘Leka kulonga dzina ya Yahova Mulungu wako papezi.’ (Eksodo 20:7) Basi ene ndi kwakuipa kulonga dzina ya Mulungu khala isalongwa mwakusowa cilemedzo.—Yeremiya 29:9.
NINJI PONTHO PINAPFUNDZA IFE M’BHIBHLYA?
Yezu akhadziwa na akhaphatisira dzina ya Mulungu.—Jwau 17:25, 26.
Mulungu asaticemera toera kulonga naye mukuphatisira dzinace.—Masalmo 105:1.
Anyamalwa a Mulungu asayesera kucitisa anthu kuduwala dzinace.—Yeremiya 23:27.