BHIBHLIYOTEKA MU INTERNETI ya Torre de Vigia
Ncenjezi
ya Torre de Vigia
Cisena
  • BHIBHLYA
  • MABUKHU
  • MISONKHANO
  • wp20 N.° 2 matsa. 14-15
  • Sankhulani Kuphedzera Umambo wa Mulungu Cincino!

Nkhabe kugumanika vidhyu pa khundu ino.

Munatilekerera, paoneka madodo pakupangiza vidhyu.

  • Sankhulani Kuphedzera Umambo wa Mulungu Cincino!
  • Ncenjezi Wakudziwisa Umambo Wa Yahova (Wa anthu onsene)—2020
  • Misolo Ming'ono
  • Mphangwa Zakulandana
  • KODI IMWE MUKUSAKA UMAMBO WA MULUNGU PAKUTOMA?
  • Umambo wa Mulungu Ninji?
    Ncenjezi Wakudziwisa Umambo Wa Yahova (Wa anthu onsene)—2020
  • ‘Sakani Pakutoma Umambo’
    Lambirani Mulungu Mbodzi Basi Wandimomwene
  • Undimomwene Unalonga Pya Umambo wa Mulungu
    Ncenjezi Wakudziwisa Umambo Wa Yahova (Wa anthu onsene)—2020
  • “Umambo Wanu Mbudze”—Phembero Yakuti Anthu Azinji Asaicita
    Ncenjezi Wakudziwisa Umambo Wa Yahova (Wa anthu onsene)—2020
Onani Mphangwa Zinango
Ncenjezi Wakudziwisa Umambo Wa Yahova (Wa anthu onsene)—2020
wp20 N.° 2 matsa. 14-15
Mamuna akucita phembero mbadzati kuleri Bhibhlya.

Sankhulani Kuphedzera Umambo wa Mulungu Cincino!

Nyerezerani kuti condzi cikulu cikubwera ncisa canu. Mwakucimbiza utongi ukupereka cenjezo iyi: “BULUKANI NCISA CINO! SAKANI MBUTO YADIDI CINCINO!” Mbamudacitanji? Mwakukhonda penula imwe mbamudasaka mbuto yadidi.

Mwandimomwene, ife tonsene tikukhala n’dziko inafuna kupita na “condzi,” Yezu alonga kuti condzi ceneci ndi “nyatwa ikulu.” (Mateu 24:21) Ife nee tinakwanisa kuthawa nyatwa ineyi. Mbwenye tinakwanisa kucita cinthu toera kutsidzikizika. Ndi cinthu cipi?

Pa Nkhani yace ya Paphiri, Yezu Kristu apereka citsogolero ici: “Pitirizani kuikha pa mbuto yakutoma Umambo wa Mulungu na ulungami wace.” (Mateu 6:33) Tinacita tani pyenepi?

Pakutoma sakani Umambo wa Mulungu. Pyenepi pisabveka kuti tisafunika kuona Umambo wa Mulungu ninga cinthu cakufunika kakamwe kupiringana pinthu pinango. (Mateu 6:25, 32, 33) Thangwi yanji? Thangwi anthu nkhabe kwanisa kumalisa nyatwa. Basi ene Umambo wa Mulungu ndi unafuna kukwanisa kucita pyenepi.

Sakani ulungami wace. Tisafunika kuwangisira toera kutowezera mitemo yakulungama ya Mulungu na pinalonga Bhibhlya. Thangwi yanji? Thangwi tingasankhula tekhene cadidi na cakuipa pinatibweresera nyatwa. (Misangani 16:25) Munjira inango, tingabvera pinalonga Mulungu, nee tisatsandzayisa basi ene Mulungu, mbwenye tisaphindulambo.​—Izaiya 48:17, 18.

Pitirizani kusaka pakutoma Umambo wa Mulungu na ulungami wace. Yezu acenjeza kuti panango anango anadzudzumika mbanyerezera kuti anakhala akutsidzikizika angakhala na kobiri izinji. Panango anango anadzudzumika kakamwe thangwi yakutsalakana umaso wawo na wa banja yawo mbasowa ndzidzi wakusaka Umambo wa Mulungu.​—Mateu 6:19-21, 25-32.

Yezu apikira kuti ale anaphedzera Umambo wa Mulungu, anadzapaswa pinafuna iwo cincino, pontho anatsandzaya na nkhombo za ntsogolo.​—Mateu 6:33.

Ngakhale kuti anyakupfundza a Yezu a mu ndzidzi wa apostolo akhasaka pakutoma Umambo wa Mulungu na ulungami wace, iwo nee aona kumala kwa nyatwa zonsene mu ndzidzi wawo. Mbwenye iwo akhali akutsidzikizika. Munjira ipi?

Iwo akakhala maso mwakubverana na mitemo yakulungama ya Mulungu, pontho pyenepi pyaatsidzikiza ku nyatwa zikhathimbana na ale akhakhonda kubvera pinalonga Mulungu. Kukhulupira kwawo kuti Umambo wa Mulungu mbudabwera, kwaaphedza kupirira nyatwa zikulu. Mulungu aapasa “mphambvu yakupiringana yacibaliro” toera apirire nyatwa zawo.​—2 Akorinto 4:7-9.

KODI IMWE MUKUSAKA UMAMBO WA MULUNGU PAKUTOMA?

Akristu a ndzidzi wa apostolo abvera ntemo wa Yezu wakusaka Umambo wa Mulungu pakutoma. Iwo amwaza mphangwa za Umambo m’makhundu onsene a dziko yapantsi. (Akolose 1:23) Kodi alipo anacita pyenepi lero?

Inde! Mboni za Yahova zisadziwa kuti ndzidzi udasala ndi wakucepa toera Umambo wa Mulungu ufudze makhaliro akuipa a dziko. Pontho zisacita pyonsene pinakwanisa iwo toera kubvera mafala a Yezu: “Mphangwa zadidi za Umambo zinadzamwazwa pa dziko yonsene yapantsi toera zikhale umboni kuna anthu a madzindza onsene, buluka penepo kumala kunadzafika.”​—Mateu 24:14

Kodi imwe munatawira tani mphangwa zadidi? Tisakuphembani toera mutowezere Akristu a mu ndzidzi wa apostolo akakhala mu nzinda wa Bhereya ku Masedhonya. Pidabva iwo mphangwa zadidi za Umambo wa Mulungu kubulukira kuna mpostolo Paulu, iwo azitawira “na ntima onsene.” Buluka penepo iwo ‘apfundza Malemba mwacidikhodikho’ toera kuona khala pidabva iwo pikhabverana na Malemba, natenepa iwo acita pinthu mwakubverana na pidapfundza iwo.​—Mabasa 17:11, 12.

Pa dziko yonsene yapantsi, anthu azinji asacita pinthu pinatowera, toera kupangiza kuti iwo asaphedzera Umambo wa Mulungu

  1. Mboni za Yahova zikulonga na mamuna pa nsuwo wa nyumba yace.

    Asabvesera mphangwa zadidi za Umambo wa Mulungu

  2. Mamuna m’bodzi ene akupfundza Bhibhlya na m’bodzi wa Mboni za Yahova panyumba pace.

    Asapfundza Malemba mwacidikhodikho

  3. Mamuna akugumanika pa nsonkhano pa Nyumba ya Umambo.

    Asacita Uxamwali na anthu anaphedzera Umambo wa Mulungu

  4. Mamuna akucita phembero mbadzati kuleri Bhibhlya.

    Pangizani kuna Mulungu kuti imwe musafuna kuntumikira

Imwe munakwanisa kucita pibodzi pyene. Mungasaka pakutoma Umambo wa Mulungu na ulungami wace, munakhala akutsidzikizika cincino, pontho munakhala na ntendere wakukhonda mala na akutsidzikizika ntsogolo.

Toera kudziwa pizinji thangwi ya mabasa a Mboni za Yahova, pitani mu webhisaiti yathu, jw.org.

Mphangwa zisagumanika mu pilongero pyakupiringana 1.000.

    Mabukhu Acisena (1982-2025)
    Bulukani
    Fungulani
    • Cisena
    • Tumizirani Anango
    • Sankhulani Pinafuna Imwe
    • Copyright © 2025 Watch Tower Bible and Tract Society of Pennsylvania
    • Pinafunika Imwe Kutowezera
    • Cibisobiso
    • Configurações de Privacidade
    • JW.ORG
    • Fungulani
    Tumizirani Anango