Kubwerezera Kwa Xikola Ya Utumiki Wa Mulungu

Mibvunzo yakutowerera iyi inadzadingwa pa Xikola Ya Utumiki Wa Mulungu nkati mwa sumana inatoma pa ntsiku 27 ya nthanda ya Mainza ya 2010. Muyang’aniri wa xikola anadzatsogolera kubwerezera kweneku kwa mphindi 20 kudabuluswa m’mphangwa zidadingwa mu nkhani za sumana inatoma pa ntsiku 1 ya nthanda ya Bingu mpaka sumana inatoma pa ntsiku 27 ya nthanda ya Maindza ya 2010.

1. Kodi tinapfunzanji kubulukira ku nyimbo ya Alevi m’mafala akusimba adalembwa pa 1 Pya dziko ya Israele 16:34? [w02-T 15/1 tsa. 11 ndima 6-7]

2. Kodi 1 Pya dziko ya Israele 22:8 isapangiza kuti nkhondo zikhacita Dhavidhi zikhali zakuipa nakuti Yahova akhonda kuti iye amange nyumba Yace? Fokotozani. [it-3-T tsa. 503 ndima 1]

3. Kodi Mambo Dhavidhi akhafuna kuti mwanace Salomoni akhuiwe tani na pya Yahova? (1 Pya dziko ya Israele 28:9) [w08-T 15/10 tsa. 7 ndima 18]

4. Thangwi yanji kukhali kwakuthema kuphatisira cidzindikiro ca ng’ombe pakumanga pfuli ya nkhali ya safuli yakubulungika? (2 Pya dziko ya Israele 4:2-4) [w05-T 1/12 tsa. 19 ndima 3; w98-T 15/6 tsa. 16 ndima 17]

5. Kodi m’bokosi ya cibverano mukhali pinthu pinango kusiyapo matabwa mawiri a miyala? (2 Pya dziko ya Israele 5:10) [w06-T 15/1 tsa. 31]

6. Kodi Salomoni akhafuna kulonganji mudaphemba iye Yahova kubva madembetero a anthu ‘angabwera kudzaphembera’ mu nyumba ineyi? (2 Pya dziko ya Israele 6:21, 32, 33) [it-3-T tsa. 510 ndima 1]

7. Mwakubverana na 2 Pya dziko ya Israele 14:11, kodi ndi makhaliro api anatikulumiza towera kulonga na Babathu wakudzulu ntsiku zonsene? [w03-T 15/9 tsa. 17 ndima 7]

8. Kodi n’dida unagumanika pa 2 Pya dziko ya Israele 17:9, 10 unaphatisirwa tani mu utumiki wathu? [w09-T 15/6 tsa. 12 ndima 7]

9. Kodi anthu a Mulungu alero anakwanisa tani kucita pinthu mwakubverana na 2 Pya dziko ya Israele 20:17? [w03-T 1/6 matsa. 21-22 ndima 14-17]

10. Kodi tisapfunzanji kubulukira kwa kuzikuza kwa Mambo Uziya? (2 Pya dziko ya Israele 26:15-21) [w99-T 1/12 tsa. 26 ndima 1-2]