“Maonero Toera Kugawira Marevista Mu . . .”

Mwakudzolowera, nthanda zonsene tisakhala na khundu pa Nsonkhano Wa Basa toera kulonga pya kugawira marevista. Cifuniro ca khundu ineyi nee ndi kudinga pyankati mwa marevista. Mbwenye, ndi khundu toera kulonga maonero a kugawira marevista. Natenepa, mwakubverana na pitsogolero, m’bale adapaswa khundu ineyi mwacigwagwa kakamwe asalonga mafala akutoma toera kugalamusa abale toera kulonga pya marevista. Buluka penepo, iye asaphemba maonero a amwazi mphangwa pa nsolo ubodzi (peno misolo yakutoma) pa ndzidzi ubodzi ene, natenepa onsene anakwanisa kubvesera na kulemba maonero anafuna iwo kuphatisira. Mbuto mwa kuphemba anyakubvesera kuti anagawira tani, iye asaphemba amwazi mphangwa toera alonge mibvundzo yakuti inacitisa anthu apacisa kupangiza cifuno, buluka penepo iye asaphemba maonero mangasi a malemba toera kuleri. Pakumalisa iye asapangiza pitsandzo pya kugawira revista ibodzi na ibodzi. Ife tisaphembwa toera kuleri marevista mbatidzati kuenda kumisonkhano, mbitikhunganyika toera kupereka maonero athu. Tonsene tingakhunganyika mwadidi, khundu ineyi inadzatiphedza toera kunoza nkhope ya unango na ndzace.—Mis. 27:17.